1te Korinter

2 Soo priiter, wii ich mit aych waar, hon ich net xweyere wërter orer een iwerkroos kluucheet penutst fer tas haylich kehaymnis fon Kot fer aych aus xpreche. 2 Wayl, wii ich mit aych waar, hon ich ëntxlos mayn acht hale ploos aan Yeesus Kristus un aan tëm sayn toot am phoste. 3 Un ich sin tsu aych khom, wii ich xwach waar, mit angst un fiil tsitere; 4 un wii ich kexproch un kepreeticht hon, hon ich net ti wërter fon te kluuche penutst fer aych in reete. Awer mayn wërter waare een pewaysung fon Kot sayn kayst un macht. 5 Soo, ayre klaape teet sich net aan te kluucheet fon te mënxe xtaype, awer aan Kot sayn macht. 6 Mit rayfe mënxe, xpreche mer iwer kluucheet, awer net iwer ti kluucheet fon tiise welt orer iwer ti kluucheet fon te rechiirente fon tiise welt, woo ferxwiine tuun. 7 Awer meyer xpreche iwer ti kluucheet fon Kot, woo torich sayn haylich kehaymnis aus kexproch is, ti kluucheet woo ferxtekelt waar un woo Kot foer ti welt sisteeme foer perayt hot, fer unser hërlichkheet. 10 Wayl Kot hot tëne fer uns torich sayn kayst pekhant kemacht, wayl te kayst unersuucht ale tinge, soo kaar ti tiife sache fon Kot. 12 Un mëyer hon net te kayst fon te welt kriit, awer, te kayst woo fon Kot khomt, tas mer ti tinge wiste woo Kot uns kuuthërtslich kep hot. 13 Meyer xpreche aach fon tiise tinge, net mit wërter woo fon te mënxliche kluucheet in kelërnt sin, awer mit tii woo te kayst in lërnt, soo wii mer kaystliche sache mit kaystliche wërter aus leye. 14 Awer te flayxliche man tuut nët tas tings fon Kot sayn kayst aan nëme, wayl fer tëm sin se tumheet; un ëyer khan se nët khëne, wayl tii sin in een kaystliche aat noo kekukt. 15 Awer, te kaystliche man tuut ale tinge noo kuke, awer tee sëlepst këp nët fon een man noo kekukt. 16 Wayl “weer hot Yeehoowa sayn ferxtant khëne kelërnt, fer tee in se lërne”? Awer meyer hon Kristus sayn ferxtant.