Xpriiche

8 Tuut ti kluucheet net aan ruufe? Tuut ti ferxtëntnis net sayn xtim hërter lose? 2 Uf ti hooche pletse torich tëm weech, Un uf ti krayts weeche, xtelt se sich uf. 3 Neewich ti toore woo tsu ti xtat nëme, Am inkang fon te toore, Tuut se wayter kans hart xraaye: 4 “Ich ruufe aych aan, oo folek; Fer ale, xpreche ich in hart xtim. 10 Xtats silwer, nëmt mayn tisipliin aan; Xtats te faynste kolt, khëntnis. 13 Tiife respekt tsu Yeehoowa hon petayt tas xlechtes hase. Ich hase ti arokans, ti hoochmuut, te xlechte weech un xlechte ausxprechunge. 22 Yeehoowa hot mich kemacht am aanfang fon sayn weech, Tas eyerste fon alem was eyer foer lang tsayt kemacht hot. 23 Fon friirixe tsayte heyer sin ich in kesëts kep, Fom aanfang aan, sayt te foer tsayte fon te eyert. 27 Wii eyer te himel kemacht hot, waar ich tat. (…) 30 Ich waar neewich tëm wii een kuute aarwayter. Ich waar tëm sayn kreest frayt, taach tsu taach; Ich hon mich foer tëm ti kans tsayt kefrayt. 31 Ich hon mich kefrayt mit te eyert woo tee kemacht hot fer pewoont wëre, Un mayn kreest frayt waare ti soone fon te mënxe. 32 Un yets, mayn khiner, heert mich. Yaa, froo sin tii woo uf mayn weeche plaype. 33 Heert ti tisipliin aan un wërt kluuch; Lost se nii im xtich. 35 Weer mich fint, wërt tas leepe fine un wërt Yeehoowa kefale.