Ëfeser

2 Un Kot hot aych lepeentich kemacht, opwool iir toot waart in ayre feele un sinte, 2 woo teyer foer heyer kemacht hot tëm noo te sisteem fon tiise welt, tëm noo te rechiirente woo ti macht iwer ti luft hot, te kayst woo yets iwer ti unfoliche mënxe xaft. 3 Yaa, meyer al hon uns foer heyer tswixich tëne aan kextelt tëm noo ti winxe fon unser flayx, hon te wunx fom khërper un ti ketanke erfiilt un hon natiirlich, soo wii ti anere, ti wuut fertiint. 4 Awer Kot is raych in parmhërtslichkheet un weeche sayn kroos liip tsu uns, 5 hot eyer uns leepe mim Kristus kep, soo kaar wën mer toot waare weeche unser feeler — weeche unfertiint kuutheet sayt teyer keret kep. 12 In tiise tsayt waart iir oone Kristus, auslënter fon Israël, un iir hat khee teel in te pakte fon ferxprechunge. Iir hat khee hofnung un waart oone Kot in te welt. 17 Un eyer is khom un hot ti kuute notisye fom friit aus keteelt, fer aych woo wayt waare soo wii fer tii woo ticht waare. 21 Eenich mit tëm, tuut ti kans kepay, woo armonix fereenicht is, wakse pis tii een haylich thempel fer Yeehoowa wërt.