Apokalipsis

19 Noo tas, hon ich etwas keheert soo wii een hart xtim fon een kroos folek in himel, woo saat: “Loopt Yah! Ti retung, ti hërlichkheet un ti macht keheere tsu unser Kot, 2 wayl sayn kerichte sin woer un kerecht. Eyer hot tas kericht aus kefiirt keeche ti kroos huure fraa woo ti eyert mit tëne sayn seksuaal imoraaliteet fersaut hot, un eyer hot tëne tsurik petsaalt weeche tas pluut fon sayn sklaawe.” 3 Klaych tëm noo, hon se tas tsweete mool kesaat: “Loopt Yah! Iire tamp tuut wayter fer imer ruf tsiie.” 7 (…) wayl ti hayrat fon tëm Lam is khom, un sayn fraa is xon in kericht. 9 (...) “Tas sin Kot sayn woere wërter.” 10 Too, hon ich mich foer sayn fiis kepikt fer tëm aan peete. Awer tee hot mich kesaat: “Phas uf! Mach tas net! Ich sin ploos een sklaaw soo wiis tuu un tayn priiter, woo ti flicht hon fer tsaye fon Yeesus kepe. Tuu Kot aan peete! Wayl iwer Yeesus se tsaye, tuut ti profetsiie inspiriire.” 11 Ich hon te ufner himel kesiin un eene wayse kaul is tsum foer xayn khom. Tee woo uf tëm sitst, is als Troy un Woere kenënt, un tee tuut mit kerechtichkheet richte un kriiche. 12 Sayn aue sin flame fon fayer un uf sayn khop sin fiile kroone. Uf tëm is een naame kexrip woo nimant khënt, nuer eyer selepst, 13 un eyer is mit een tsaych mit pluut fleke aan ketsoo; eyer is keruuft als Kot sayn Wort. 14 Aach, tas militeer im himel is tëm mit wayse kayl noo kang, un tii waare mit fayne layn woo ways un phuer waar, aan ketsoo. 15 Fon tëm sayn munt khomt een lang un xaref xwaart, tas tee ti natsyoone xlaat. Tee tuut tii wii eene xeefer mit ayse xtok uf phase. Ale tëm, tuut eyer te khump fon te wuut fom Ale Mechtiche Kot treete. 16 Aan tëm sayn tsaych, yaa, uf sayn xoos, xteet eene naame: Kheenich fon te kheeniche un Hër fon te hëre. 17 Ich hon aach een engel in te sun xteen kesiin un tee hot in laut xtim kexraayt un saat fer al ti feechel woo in te mitel fon himel kefloo sin: “Khomt heyer, fersamelt aych fer te kroose panket fon Kot, 18 fer tas flayx fon te kheeniche ese, tas flayx fon te komantante fom militeer, tas flayx fon xtarke mëner, tas flayx fon kayl un tii woo uf tëne sitse, un tas flayx fon al, fon fraye mëner soo wii sklaawe, kleene un kroose.” 19 Un ich hon tas wilt tier un ti kheeniche fon te eyert kesiin mit sayn militeer fersamelt fer kriiche keeche tee woo uf tëm kaul sitst un keeche sayn militeer. 20 Tas wilt tier is kefang woer, un mit tii, te falx profeet woo foer tëne ti sinaale kemacht hot, woo hiner kang hot tii woo ti mark fom wilt tier kriit hate un tii woo sayn pilt aan kepeet hon. Noch lepeentich, waare ti tswaay in te ferprëntne lakoo, woo mit xweewel prëne tuut, hin kexmis woer. 21 Awer ti anere sin um keprung woer mit een lang xwaart woo fom munt raus khom is fon tëm woo ufm kaul kesitst hat. Un ti kanse feechel hon sich fon tëne sayn flayx sat kefres.