Aphostele sayn Kexicht

2 Wii Tërtulus aan keruuft kep is, hot er aan kefang se saan: “Torich aych hon mer kroos friit, un wayls tuu ferninftich pist, hon sich fiil ferpëserunge aan tiise natsyoon kemacht woer; 5 Wayl meyer aus kekluucht hon tas tiise man een phëst is un tuut unortnung torich ti kanse yuute, torich ti kans pewoont Eyert uf hëtse, un tee is eene fon te fiirer fon te relichyeese krup fon te nasareener. 6 Tee hot aach fersuuch te tëmpel profaniire; tan hon mer tee kefang. 10 Wii te rechiirente een sinaal mit sayn khop fer Phaul kemacht hot, tas tee xpreche teet, hot Phaul kesaat: “Ich wees kenau tas tiise natsyoon aych wii richter torich fiile yoore hot, un soo sin ich fërtich fer een antwort iwich mich kepe. 11 Wii teer torich aych sëlepst siin khënt, këpts ploos 12 taache tas ich ruuf khom sin fer in Yeruusalëm aan peete. 12 Un tii hon mich nii kesiin mit yemant im tëmpel xtrayte, aach nët layt uf hëtse in te sinakooke orer in een aner plats fon te xtat. 13 Un khëne aach fer teer nët proope tas tings woo se keeche mich yets saan. 14 Awer ich tuun tas erkhëne: is torich te weech, woo se wii sekte nëne, tas ich een haylich aarwayt fer te Kot fon mayn ferwantere mache, un ich klaape in ales woo in tëm Kesëts is un woo in te Profeete kexrip xteet. 15 Un ich hon hofnung aan Kot, hofnung woo tiise mëner aach hon, tas es een ufxtaye fom toot kept fon te kerechte soo wii fon te unkerechte. 16 Weeche tas, tuun ich mich imer aan xtrënge fer een sauwer kewise foer Kot un foer ti mënxe hale. 17 Noo tëm fiile yoore rom kang sin, sin ich tsu Yeruusalëm khom fer een kontripuytsyoon fer mayn natsyoon kepe un opfere mache. 18 In te tsayt woo ich tiise sache uf kephast hon, hon se mich phuer im tëmpel kefun, awer nët mit fiil layt un aach nët am unortnung mache. Awer, tat waare ëtliche yuute fon te prowins fon Asia 19 woo miste foer teer yets sin fer iwer meer se xprëche, wën se wërklich etwas keeche mich hon teete. 20 Orer, tas tiise mëner woo too sin, saan was fer xlechtes hon se aan mich kefun, wii ich foer tëm Sinëtryum waar. 21 Ploos wën se tënke iwer tiise eensiche sats woo ich kesaat hon, wii ich tswixich tëne waar: ‘Es is weeche tas ufxtaye fom toot tas se mich yets richte tuun!’” 24 Etliche taache tëm noo, is Fëliks khom mit sayn fraa, Trusila, woo yuutin waar; tee hot kexikt tas Phaul khome teet un hot tsu wise kriit iwer tas klaape aan Yeesus Kristus. 25 (...) hot Fëliks pang kriit (...) 27 Awer, tswaay yoore tëm noo, is Porsyus Festus aan Fëliks sayn plats keplip; un, wayl Fëliks hon wolt tas ti yuute tee xtitse teete, hot eyer Phaul in te katee kelos.