Hepreeyer

11 Te klaape is ti fest sicherheet tas was mer hofe noch khome tuut. Es is ti taytlich pewaysung fon wërklichkheete woo ma net siit. 2 Wayl torich tëm, hon ti mënxe fon te friirixe tsayte, tsaye kriit. 3 Torich klaape mërke mer tas ti sisteeme fon tinge sin in een ortnung hin ketuun torich Kot sayn wort, in een aat tas tas was mëyer siin, hot aan kefang se eksistiire torich tinge woo mer nët siin khëne. 4 Torich klaape, hot Apël een opfer fer Kot aan kepoot woo mee weyert hat wii tas opfer fon Kayn. Torich tiise klaape, hot eyer tsaye kriit tas tee kerecht waar, wayl Kot sayne opfere aan kenom hot. Un, opwool tee toot is, tuut eyer noch torich sayn klaape xpreche. 5 Torich klaape is Enok wëch kenom këp tas er te toot nët siin solt, un ëyer is uf khee plats kefun këp, wayl Kot tee wëch kenom hot; wayl eep tee wëch kenom këp is, hot er tsaye kriit tas er Kot tsufriite kelos hot. 6 Un noch, oone klaape is es unmeechlich Kot kefale, wayl weer ticht pay Kot khomt, mus klaape tas eyer eksistiirt un tas eyer peloont tii woo tëm ërnstlich suuche. 7 Torich klaape hot Noee, noo eyer fon Kot awisiirt kep is fon tings woo noch net kesiin waare, tiif respekt tsu Kot ketsaycht un een arich kepaut fer ti retung fon sayn familye; un, torich tiise klaape, hot eyer ti welt konteniirt un is een ërper kep fon te kerechtichkheet woo fom klaape khomt. 8 Torich klaape hot Apraham aan keheert wii eyer keruuft kep is, un eyer is tsu een plats kang woo eyer wii erpxaft kriin teet, eyer is kang, oone se wise woo eyer hin keengt. 9 Torich klaape, hot er wii auslënter in tëm ferxprochne lant keleept, wii wën eyer in een frëmte lant weyer, un hot in parake kewoont mit Isak un Yaakop, woo ërper fom selwich ferxpreche mit tëm waare. 10 Wayl eyer hot ti xtat kewaart woo woere funtamente hot, woo is fon Kot kepleent un kepaut kep. 11 Sara hot aach, torich te klaape, macht kriit fer een nookhomer uf ti wëlt pringe, opwool tii xon alt waar, wayl tii wii een troy persoon kesiin hot, Tee woo tas ferxpreche kemacht hot. 12 Tës weeche, fon ploos eene man woo neekst toot waar, sin soo fiil khiner uf ti wëlt khom wii ti numer fon te xtërne im himel, un wii ti numer fon te khëne fom sant woo aans meer sin, woo mëyer nët tseele khëne. 13 Tii al sin mit klaape kextorep, opwool tii teete nët ti ferxprochne tinge kriin; awer tii hon se fon wayt wëch kesiin un hon se mit frooheet aan kenom, un hon puuplix kesaat tas se auslënter un reesenter layt in tëm lant, waare. 14 Tii woo soo xprëche, tsayche tas se tuun ërnstlich een plats fer sich sëlepst suuche. 15 Awer, wën se teete wayter tenke aan tëm plats fon woo se raus kang sin, hëte se ti keleechenheet fer tsurik keen. 16 Awer yets, fersuuche se eene peser plats hin kriin — eene plats woo tsum himel keheert. Tes weeche, tuut Kot sich fon tëne net xeeme, tas se Tëm wii sayn Kot ruufe, wayl Tee hot een xtat fer se foer perayt. 19 Awer eyer hot erkhënt tas Kot ti macht hat fer Isak soo kaar fon te toote uf ruufe; Un fon te toot hot tee tëm in ilustratiw aat tsurik kriit. 20 Aach torich klaape, hot Isak Yaakop un Esauu keseechent iwer ti tinge woo noch khome solte. 24 Torich klaape, wii Mooses aus kewakst waar, wolt eyer net hon tas se tëm wii soon fon Faraoo sayn tochter ruufe teete. 25 Tee wolt rechter xlecht pehantelt wëre mit Kot sayn layt, wii torich een khorts tsayt sich in sint fraye, 26 wayl fer tëm waar te xant fon Kristus een kreesere raychtum wii ti xets fom Ejipt, wayl eyer mit acht foran tsu ti peloonung kekukt hot. 27 Torich klaape, hot eyer te Ejipt kelos, oone pang fom kheenich sayn wuut, wayl eyer is wayter fest keplip wii wën eyer siin teet Tee woo mer net siin khene. 29 Torich klaape, is tas folek tas Roote Meer torich kang wii wën es troknes lant weyer. 31 Torich klaape, ti huurer fraa Raap is net um khom mit tëne woo unfolich waare, wayl se ti spyoone mit friit aan kenom hot. 32 Un was noch tuun ich saan? Wayl ich teet net kenuuch tsayt hon wën ich teet noch xpreche iwer Kiteoon, Paraak, Samsan, Yeftë, Tawi, un aach iwer Samuël un ti anere profeete. 33 Torich klaape, hon se rechiirunge ap kewun, ti kerechtichkheet in kextelt, ferxpreche kriit, te munt fon leepe tsu kemacht, ti kraft fom fayer aus kemacht. 34 Tii sin fon te xwaart fray kep, sin xtark kep wii se xwach waare, sin mechtich im kriich kep, hon militeer woo tëne iwerfal hon, ap kewun. 35 Fraae hon sayn toote torich tas ufxtaye fom toot tsurik kriit, awer anere sin kekweelt këp wayl se nët een frayheet aan kenom hon, tas se khënte een pëser ufxtaye fom toot hin kriin. 36 Yaa, anere hon sayn proop kriit torich xpooteray un mit relye kehaut këp; yaa, mee wii tas, torich kërtel un katee. 37 Hon xteen keeche tëne keworef, sin keproopt un in xtike kexnit këp, torich ti xwaart um keprung këp, hon sich mit haut fon xeef un fon kaprit aan ketsoo, neetichkheet mit kemacht, xmërts kelit, xlëcht pehantel këp; 38 un ti wëlt hat se nët fertiint. Tii sin torich tesërte, përiche, heele un waser heele fon te Ëyert kelaaft.