Kalater
2 Ich sin ruf kang weeche een rewelatsyoon un ich hon fer ti priiter ti kuute notisye aus keleet woo ich fer ti layt fon te natsyoone preetiche. Awer ich hon tas kemacht ploos foer ti mëner woo respektiirt waare, fer mich sicher lose tas ich net umsonst am xpringe waar orer kexprung hon. 5 . . . tas ti woerheet fon te kuute oter . . . 9 un wii se ti unfertiint kuutheet woo fer mich kep waar erkhënt hon, Tyako, Sëfas un Yoohan, tii woo wii phayle aus kesiin hon, hon se mich un Parnapë ti rechts hant kep wii een tsaye fon eenichkheet, tas meyer tsu ti natsyoone keen teete, awer tii tsu ti pexnitner. 10 Tii hon uns ploos ferlangt tas mer uns fon te aarme teete erinere, un tas hon ich mich aach fiil aan kextrëngt fer se mache. 11 Awer wii Sëfas noom Antyokya khom is, sin ich puuplix keeche tee kang, wayl waars taytlich tas eyer ferkheert waar. 12 Wayl, eep etliche mëner khom sin, woo Tyako kexikt hot, hot eyer mit te layt fon te natsyoone kes; awer wii se khom sin, hot eyer noo kelos tas mache. Un tee hot sich fon tiise layt aus naner kemacht wayl eyer pang fon te krup fon te pexnite layt kriit hot. 13 Ti anere yuute hon aach sich in tiise falxheet pay kextelt, tas soo kaar Parnapë is aan tëne sayn falxheet kenom kep. 14 Awer, wii ich kesiin hon tas tëne iire aanxtelung net mit te woerheet fon te kuute oter pextimt waar, hon ich fer Sëfas kesaat foer al woo tat waare: “Wëns tuu, opwool yuute pist, wii ti layt fon te natsyoone leepst, un net wii ti yuute, wii khanst tuu ti layt fon te natsyoone tswinge fer noo ti yiitixe kewoonheete se leepe?” 15 Mëyer, woo yuute uf te wëlt khom sin, un nët sintliche mënxe fon te natsioone, 16 tuun mer erkhëne tas te man is kerecht aus kexproch, net weeche aktsyoone woo tas kesets xikt, awer ploos torich te klaape aan Yeesus Kristus. Tes weeche, tuun mer unser klaape aan Yeesus Kristus tuun, tas meyer kerecht torich te klaape aan Kristus aus kexproch wëre, un net weeche aktsyoone woo tas kesets xikt, wayl nimant kerecht aus kexproch wërt weeche aktsyoone woo tas kesets xikt. 17 Awer, wën mer aach uns wii sintliche mënxe kefun këp sin, wii mer kesuucht hon kerëcht kenënt wëre, torich Kristus, tuut tan Kristus fer ti sint tiine? Sicher nët! 18 Wën ich noch mool uf paue ti sëlwich tings woo ich xon fernicht hon, tuun ich tsayche tas ich een sintlich mënx sin. 19 Wayl torich tas Kesets sin ich fer tas Kesets kextorep, tas ich soo fer Kot lepeentich wëre teet. 20 Ich sin yets mit Kristus aan tëm phoste kenaachelt. Weer hayt leept sin net mee ich, awer es is Kristus woo in eenichkheet mit mich leept. Yawool, tas leepe woo ich hayt aan tiise khërper leepe, leepe ich weeche te klaape aan Kot sayn Soon, woo hot mich keliipt un sich fer mich ap kep. 21 Ich tuun nët Kot sayn unfertiint kuutheet ap saan; wayl, wën ti kerëchtichkheet torich tas kesëts khomt, is Kristus wërklich umsonst kextorep.