Xpriiche

4 Xtreng tich net tsu fiil aan fer raychtum kriin. Playp xteen un tsaych ferxtëntnis 5 Soo wiis tuu tsu tëne kukst, ferxwine se, wayl mit sicherheet, kriin se fliter wii een atler un fliie noom himel. 15 Mayne soon, wën tayn hërts kluuch wërt, tuut mayn aychne hërts sich fraye. 16 Ich wëre inerlich froo Wën tayn lipe xpreche was richtich is. 20 Say net pay tëne woo tsu fiil wayn trinke, Un aach net pay tëne woo sich mit flayx fol xtope, 21 Wayl tii woo tsu fiil trinke un ese, wëre aarem, Un ti xloofichkheet tuut se mit lumpe aan tsiie. 22 Heer tayn fater aan woo tich leepe kep hot, Un tuu net tayn muter niiter xtele ploos wayl se alt kep is. 23 Khaaf ti woerheet un tuu se nii ferkhaafe, un aach ti kluucheet, ti tisipliin un tas ferxtëntnis. 24 Te fater fon yemant woo kerecht is, wërt sicher froo sin; Weer fater fon eene kluuche soon is, tuut sich weeche tëm fraye. 25 Tayn fater un tayn muter tuun sich fraye, Un tii woo tich uf te welt keprung hot, wërt froo. 29 Weer tuut yaamere? Weer hot ëngstlichkheete? Weer hot tsënkeray? Weer pexweert sich? Weer hot wee oone uersach? Weer hot triipne aue? 30 Tii woo fiil tsayt aus kepe fer wayn trinke, Tii woo hin un heer fermixtne wayn suuche. 31 Hal net tayn aue aan te rootne farp fom wayn, Wën eyer klënst im klaas un laaft tsaat runer, 32 Wayl, am ën, tuut eyer soo wii een xlang payse Un lost sayn kift loos, soo wii een kiftiche xlang. 33 Tayn aue tuun xpasiche tinge siin, Un tayn hërts tuut xlechte tinge xpreche. 34 Tuu wërst wii yemant sin woo in te mite fons meer layt, Wii yemant woo sich ufm xpits fon een xif sayn mastro layt. 35 Tuu tuust saan: “Tii hon mich ferxlaa, awer ich hon niks kexpiirt; Tii hon mich ferhau, awer ich hon niks kemërkt. Wan tuun ich wach kepe? Ich prauche noch was trinke.”