Psalme

91 Weer im Ale Heechste sayn heeliche plats woont, Tuut xuts im Ale Mechtiche sayn xate fine. 2 Ich tuun fer Yeehoowa saan: “Tuu pist mayn xitsung un mayn fest plats; Mayn Kot, aan weem ich klaape.” 3 Wayl tee tuut tich fon te fal fom foochel yachter, fray mache, fon te pëst woo kaput macht. 7 Tausente wëre neewer tayn sayt fale, Un tseen tausente neewer tayne rëcht sayt; Awer niks tuut tich petrefe. 8 Tuu wërst noore tsu kuke, Un te xtroof fon te xlechte siin. 9 Wayl tuu kesaat host: “Yeehoowa is mayn xits plats”, tuu host fom Ale Heechste tayn woonung kemacht; 10 Khee unklik wërt tich petrefe, Un khee pëst khomt ticht aan tayn woonung. 11 Wayl eyer tuut fer sayn engele een kepoot kepe weeche tich, Fer tich in tayn kanse weeche xitse. 13 Tuu tuust uf tas yunge leepe un uf ti xlang, treete; tuu tuust tas leepe un ti kroos xlang niter treete. 14 Kot hot kesaat: “Wayl tee mich liipt, tuun ich tee fray mache. Ich tuun tëm xitse wayl tee tuut mayn naame khëne. 15 Tee tuut mich ruufe, un ich tuun tëm antworte. Ich tuun pay tëm sin in petriklixe tsayte. Ich tuun tee fray mache un eere fer tëm këpe. 16 Ich tuun tee sat mit een lang leepe lose, Un ich tuun mache tas tee mayn aktsyoone fon retung siit.