3te Yoohan
1 Fon te alte man, fer Kayus te keliipte, woo ich wërklich liipe tuun. 2 Liipe fraaynt, ich peete tas ales wayter kuut mit tich ap laaft un tas tuu wayter kesunt playpst, soo wiis tich yets kuut keet. 3 Wayl ich hon mich aarich kefrayt wii ti priiter khom sin un kexprooch hon tas tuu tich aan te woerheet halst un tas tuu wayter in te woerheet keest. 4 Ich hon khee kreeser frooheet wii tas: heere tas mayn khiner wayter in te woerheet keen. 5 Keliipte, tuu tsaychst tas tuu troy pist torich tas was tuu fer ti priiter machst, opwool tuu tii net khënst. 6 Tii hon tsayung fon tayn liip foer ti kemaynt kep. Pite, tuu tëne in sayn rees helfe in een aat woo Kot kefalt. 7 Wayl tii sin weeche tëm sayn naame kerees, oone niks fon te layt fon te natsyoone kriin. 8 Tes weeche, meyer hon ti flicht fer soo sorte priiter kuut aan nëme fer mitaarwayter fon te woerheet sin. 9 Ich hon fer ti kemaynt kexrip, awer Tyootrefes, woo kërn te eyerste unich tëne sin wil, tuut niks mit respekt fon uns aan neme. 10 Is weeche tas, wën ich tat hiin keen, ruufe ich tee aan weeche ti tinge woo tee kemacht hon, ti lieray woo tee iwich uns aus keprayt hot. Un net froo mit tas, tuut eyer aach net ti priiter mit respekt aan neeme un fersuucht ti anere um hale un fon te kemaynt raus xmayse, woo wole ti anere aan neme. 11 Keliipte, tuu net noo mache was xlëcht is, awer mach noo was kuut is. Weer macht was kuut is, khomt fon Kot heer. Weer macht was xlëch is, hot net Kot kesiin. 12 Tii al tuun kuut iwer Temëtryo xpreche un soo kaar ti aychne woerheet. Yaa, meyer tuun aach kuut iwer tëm xpreche un tuu weest tas was meyer xpreche is ti phuuer woerheet. 13 Ich hat noch fiil tings fer aych se xraype, awer ich wil net wayter xraype mit feeter un farep. 14 Ich hofe, tich klaych siin un perseelich mit tich xpreche. Ich winxe tich friite. Ti fraaynte xike tich kriise. Pekriis yeete eene fon mayn fraaynte.