Teuteronoomyum

6 Tas sin ti kepoote, kesetse un kerechte entxlise woo Yeehoowa, ayre Kot, mich kexikt hot fer aych in se lërne, tas teyer se foliche teet wën teyer in tas lant rin keet woo teyer kriit. 2 Tee hot tas kemacht tas tuu Yeehoowa tayn Kot respektiire tuust un tas tuu ale kesetse un kepoote woo ich tich kepe in halst — tuu, tayn khiner un tayn enkelskhiner — torich ti kanse taache fon tayn leepe, tas tuu lang leepe khanst. 3 Oo Israël, tuu tëne kuut aan heere, tas es tich kuut keet un fiil fermeert in tëm lant woo milich un honich kept, soo wii Yeehoowa, te Kot fon tayne foerkhomer, fer tich ferxproch hot. 4 “Heer, oo Israël: Yeehoowa, unser Kot, is nuer eene Yeehoowa. 5 Liip Yeehoowa, tayn Kot, mit tayn kans hërts, mit tayn kans seel un mit tayn kans kraft. 6 Tiise wërter woo ich tich hayt kepe, mise in tayn hërts sin, 7 un tuu must tii in tayne khiner in xafe un fon tëne xpreche wëns tuu in tayn haus setst, ufm weech keest, eeps tuu xloofe keest un wëns tuu uf xtayst. 8 Tuu se wii een erinerung aan ti hant pine un tii sole wii een piinte uf tayn xtërn sin. 9 Xrayp tii aan te rechts un links sayt fon ti tiere fon tayn haus un aan ti toore fon ti xtat. 10 “Wën Yeehoowa tayn Kot tich tsum lant pringt woo eyer tich kepe tuut un woo eyer fer tayn foerkhomer Apraham, Isak un Yaakop ferxproch hat — een lant mit kroose un kuute xtete woos tuu net uf kepaut host, 11 mit hayser fol kuute tinge woos tuu net kexaft host fer se samele, mit reen pruner woos tuu net kekraapt host, un mit traupe kriste un oliiwe peem woos tuu net keplantst host — un wëns tuu est un sat wërst, 12 phas uf tas tuu tich net fon Yeehoowa ferkest, (...)