Yoohan

13 Foer tas Fest fom Oostre, Yeesus wust tas ti tsayt khom is fer tiise welt lose un tsu sayne Fater keen. Soo, wayl eyer keliipt hot tii woo tsu tëm keheert hon, woo in te welt waare, hot eyer tëne pis aans ën keliipt. 2 Tii waare tas Oostre ese am ese, un te Taywel hat xon ins hërts fon Yuutas Iskaryotis ketuun, Simon sayn soon, Yeesus hinerkeen. 3 Yeesus wust tas sayne Fater ti kanse tinge in sayn hënt ketuun hat un tas eyer fon Kot khom is un tsu Kot keen teet; 4 soo is Yeesus fom tix uf kextii un hot sayn mantel aus ketuun. Tan, hot eyer een tuuch kehool un es sich um sayn layp rom kewikelt. 5 Nochter, hot eyer waser in een xisel ketuun, hot aan kefang ti fiis fon te tisipele wexe un tëne sayn fiis ap trokne mit tëm tuuch woo aan sayn layp waar. 7 Too hot Yeesus kesaat: “Los se in ruu ...” 12 Tan, noo tëne sayn fiis wexe un sayn mantel aan tsiie, hot eyer sich noch mool am tix keleet un hot kesaat: “Ferxteet teyer was ich aych kemacht hon? 13 Teyer tuut mich wii ‘Leerer’ un ‘Hër’ aan ruufe un teyer hot recht, wayl ich sin tas wërklich. 14 Soo, wën ich, te Hër un Leerer, ayre fiis kewext hon, mist teyer aach eene te anere sayn fiis wexe. 15 Wayl ich aych tas payxpiil këp hon, tas soo wii ich aych tas kemacht hon, solt iir tas aach mache.” 16 Ich tuuns aych mit sicherheet saan: Te sklaaw is net kreeser wii sayn Hër, un te kexiktne is aach net kreeser wii tee woo kexikt hot. 17 Yets woo teyer tas wist, froo sayt teyer wën teyer tas macht. 33 “Mayn liipe khiner...” 34 Ich kepe aych een naye kepoot: tuut eene ti anere liipe; soo wii ich aych keliipt hon, tuut aach eene ti anere liipe. 35 Torich tas, tuun al wise tas teyer mayne tisipele sayt: wën teyer liip unich aych hot.”