Psalme

119 Froo sin tii woo unxultich uf sayn weech keen; Tii woo tëm noo Kot sayn kesets leepe. 2 Froo sin tii woo acht fer Sayn aanreete kepe Un woo Iim mit kanse hërts suuche. 3 Tii mache khee unkerechtichkheet; Tii keen uf Sayn weeche. 9 Wii khan eene yunge mënx sayn weech rayn hale? Tee mus sich uf phase un Tayn wort aan heere. 10 Ich suuche tich mit mayn kanse hërts. Los net tas ich mich fon tayn kepoote ap lënke. 11 Was tuu saast pehale ich in mayn hërts, Tas ich nii mool keeche tich sinte. 16 Ich hon tayn kepoote aarich kërn. Ich tuun mich net fon tayn wort ferkese. 18 Mach mayn aue uf tas ich taytlich siin ti wunerliche tinge fon tayn kesets. 24 Ich hon tayn kepoote aarich kërn. Tii tuun mich aan reete. 31 Ich tuun mich aan tayn kepoote fest hale. Oo Yeehoowa, los net tas ich ferxeemt wëre. 32 Ich tuun mich aan xtrenge fer te weech fon tayn kepoote noo keen, Wayls tuu machst een plats too tefoer in mayn hërts uf. 33 Lërn mich, o Yeehoowa, te weech fon tayn kepoote, Un ich tuun aan tëm, pis tsum ën plaype. 34 Kep mich ferxtant, Tas ich tayn kesets aan heere Un mich mit mayn kans hërts too traan hale. 36 Helef mayn hërts acht tsu tayn kepoote hale, Xtats tsu te pekiirichkheet. 37 Lenk mayn aue wech fon was kheen weyert hot; Hal mayn leepe uf tayn weech. 42 Tan kepe ich een antwort fer tee woo iwer mich xpote tuut, Wayl ich uf tayn Wort traue. 45 Ich laafe in een sicher plats, Wayl ich suuche tayn kesetse. 46 Ich tuun iwer tayn mënunge foer ti kheeniche xpreche. Un ich tuun mich net xeeme. 47 Ich hon aarich kërn tayn kepoote, yaa, ich liipe tii. 50 Tas is mayn troost in mayn petriikung, Wayl tayn wort halt mich am leepe. 51 Ti hoochnaasiche lose net noo mich ferxpoote, Awer ich tuun mich net ap lënke fon tayn kesets. 52 Ich erinere mich fon tayn friirixe kerichte, oo Yeehoowa, Un tii tuun mich treeste. 59 Ich hon mayn weeche unersuucht Tas ich khan mayn xrite tsurik tsu tayn erinerunge lënke. 60 Ich ayle mich un ferxpeete mich net Fer tayn kepoote foliche. 61 Ti xtrike fon te xlechte sin um mich rom, Awer ich ferkese mich net fon tayn kesets. 63 Ich sin fraaynt fon al woo tiif respekt tsu tich hon Un fon tëne woo sich aan tayne oryentiirunge hale. 66 Lërn mich in ferninftich sin un kep meer khëntnis, Wayl ich traue aan tayn kepoote. 71 Es is kuut fer mich tas ich xwiirichkheete mit kemacht hon, Wayl soo hon ich tayn kepoote kelërnt. 76 Pite, los tas tayn leaale liip mich treest, Tëm noo ti ferxprechung woos tuu fer tayn tiiner kemacht host. 81 Ich tuun tayn retung hërtslich waarte, Wayl tayn wort is mayn hofnung. 96 Ich hon kesiin tas ale perfektsyoon krense hot, Awer tayn kesets hot khee krënse. 97 Wii aarich liipe ich tayn kesets! Te kanse taach tuun ich too triwer noo tenke. 98 Tayn kepoot macht mich kluucher wii mayn faynte, Wayl tas imer mit mich is. 99 Ich hon mee ferxtëntnis wii mayn leerer, Wayl ich aan tayn aanreete traan tenke. 100 Ich xtele mich aan mit mee ferxtant wii ti elter, Wayl ich tuun tayn kesetse aan heere. 101 Ich nëme es net aan uf een xlechte weech keen, soo tas ich tayn wort aan wëne khan. 103 Tayne wërter xmeke aarich siis fer mich; Tii sin siiser wii honich in mayn munt! 104 Weeche tayn kesetse, hantele ich mit ferxtant. Tes weeche has ich ale falxe weech. 105 Tayn wort is een lamp fer mayne fuus, Un een licht fer mayne weech. 112 Ich hon ëntxlist tayn kesetse imer aan heere, Yawool, pis tas ën. 113 Ich hase tii woo een keteeltne hërts hon, Awer ich liipe tayn kesets. 123 Mayn aue sin miit wayl tii aan tayn retung waarte, un wayl tii aan ti erfiilung fon tayn kerechte ferxpreche waarte. 127 Tes weeche, liipe ich tayn kepoote, Mee wii kolt, yaa, mee wii tas fayne kolt. 128 Tes weeche tenke ich tas al tayn oryentiirunge richtich sin. Ich hase yeete falxe weech. 130 Tas licht xaynt wëns tuu tayne wërter pekhant machst, Un tas kept ferxtëntnis fer tii woo khee speryens hon. 133 Mach mayn xrite sicher torich tayne wërter; Niks xlechtes sol mich hërxe. 138 Tayn aanreete sin kerecht Un khan ma kans uf tëne traue. 140 Was tuu saast is kans phuer, Un tayn tiiner liipt tas. 145 Ich ruufe tich mim kanse hërts. Antwort mich, oo Yeehoowa. Ich tuun tayn kepoote foliche. 159 Sii mool wii ich tayn aanreete liipe! Oo Yeehoowa weeche tayn leaale liip hal mich am leepe. 160 Tayn kanse wërter sin woer, Un tayn kerechte richte tuun fer imer hale. 161 … Awer mayn hërts piit sich foer tayn wërter. 162 Ich fraye mich weeche tas was tuu kesaat host Soo wii yemant woo fiile tinge fint. 163 Ich hase ti falxheet, ich tuun se wërklich hase. Ich liipe tayn kesets. 164 Siwe mools te taach tuun ich tich loope Weeche tayn kerechte ëntxlise. 165 Tii woo tayn kesets liipe, hon fiil friit; Niks macht se xtolpere. 167 Ich kepe acht fer tayn aanreete, Un ich liipe tii mechtich fiil. 168 Ich heere tayn kesetse un tayn aanreete aan, wayls tuu weest ales was ich mache. 176 Ich sin wech kang wii een ferloerne xoof. Suuch tayn tiiner, Wayl ich hon net tayne kepoote ferkes.