1te Pheeter

2 Wii khiner woo kraat kepoer sin, ferkreest te wunx noo te phuer milich fon Kot sayn Wort, tas torich tas, khent teyer wakse fer ti retung kriin, 3 wayl teyer hot xon pewaysunge kesiin tas te Hër liiplich is. 9 Awer teyer sayt “een raus kesuuchtne rase, een kheeniche priisterxaft, een hayliche natsyoon, een folek wii spetsyaal aychentum, tas teyer pekhant macht ti wunerliche kwaliteete” fon Tëm woo aych keruuft hot fon te tunkelheet fer sayn wunerlich licht. 10 Wayl friier waart iir kheen folek, awer yets sayt iir Kot sayn folek. Friier waart iir net mit parmhërtslichkheet pehantelt kep, awer yets hat iir parmhërtslichkheet kexpiirt.” 11 Keliipte, ich hale aych aan, tas teyer, wii auslënter un fremte layt in ti welt, solt aych wayter wech hale fon te winxe fom flayx woo keeche aych khëmpfe. 12 Halt een kuut aanxtelung tswixich ti natsyoone. Soo, wën se aych akusiire tas xlechtes mache, khene se ayre kuute aktsyoone taytlich siin un, weeche tas, Kot loope aan tëm taach fon Sayn inspektsyoon. 13 Weeche tëm Hër, xtelt aych unich ti kans mënxlich kriatsyoon, ops eene kheenich is, wii heechste, 14 ops kowernatoore sin, woo te kheenich kexikt hot fer ti xlechte xtroofe un fer tii woo tas kuutes mache, loope. 15 Wayl es is Kot sayn wile tas, wën teyer tas kuutes macht, macht teyer ti kexpreeche fon tume mënxe ruych. 16 Sayt wii fraye mënxe, un penutst ayer frayheet net wii een uersach fer tas ferkheertes mache, awer fer sklaawe fon Kot sin. 17 Tuut ale sorte mënxe eere, liipt ti kans pruuterxaft, tsaycht tiife respekt tsu Kot, eert te kheenich. 18 Tas ti tiiner sich unich ti autoriteet fon sayne hëre xtele mit te kans respëkt woo se fertiine, net ploos mit te kuute un ferxtëntliche hëre, awer aach mit tëne woo xlime sin fer tsufriite lose. 19 Wayl es is kuut wën yemant xwiriichkheete aus halt un unxultich layte tuut weeche sayn kewise foer Kot. 20 Was fer een eer is es tsu aych wën iir ferklopt wërt wayl iir kesint hot, un tas aus halt? Awer wën iir aus halt ti layte wayl iir etwas kuutes macht, tas frayt Kot. 21 Yawool, es is fer tas tas teyer keruuft kep sayt, wayl te Kristus selepst fer aych kelit hot, un soo, hot eyer een payxpiil fer aych kelos tas teyer tëm sayn xrite ticht noo keet. 22 Eyer hot khee sint kemacht, un khee falxheet waar in sayn munt kefun kep. 23 Wii se tëm pelayticht hon, hot tee se net tsurik pelayticht. Wii tee am layte waar, hot tee se net ameasiirt, awer tee hot sich truf ferlos aan Tee woo mit kerechtichkheet richt. 24 Eyer selepst hot unsere sinte in sayne aychne khërper aan te phoste ketraa, tas mer fer ti sinte xtërpe teete un fer ti kerechtichkheet leepe teete. Un, “torich tëm sayn wee, sayt teyer keheelt kep“. 25 Wayl iir waart wii ferloerne xeef, awer yets sayt iir fer te xeefer un superintentent fon ayre seele tsurik khom.