2te Korinter

3 Keloopt say te Kot un Fater fon unser Hër Yeesus Kristus, te Fater fon te parmhërtslichkheet un te Kot fom kanse troost. 4 Tee treest uns in al unser proope; soo, mit tëm troost woo meyer fon Kot kriin, khene mer anere in yeete sort proop treeste. 7 Un unser hofnung iwer aych is fest, wayl meyer wise tas, soo wii iir ti selwich xwiirichkheete mit mache, tuut iir aach te selwich troost wii meyer kriin. 8 Wayl meyer wole hon, priiter, tas teyer tsu wise kriit iwer ti xwiirichkheet woo mer in te prowins fon Asya mit kemacht hon. Meyer waare unich xweyer unertrikung, woo mer neekst net aus kehal hon, un meyer waare aarich ëngstlich iwer unser leepe. 9 Yaa, meyer hon kexpiirt tas mer um keprung wëre teete. Tas is pasiirt tas mer net aan uns traue solte, awer aan te Kot woo ti toote uf ruuft. 10 Tee hot uns fon soo een kroose kefoer fom toot pefrayt un tuut uns aach im futuer pefraye, un meyer hon ti hofnung aan tëm, tas eyer uns wayter pefraye tuut. 11 Teyer khënt uns aach helfe mit ayre tiife kepeete fer uns. Soo, weeche uns, tuun fiile tanke fer ti kuutheet woo mer kriit hon wii een antwort fer ti kepeete fon fiile. 12 ...unser kewise kept tsaye tas mer in te welt uns aan kextelt hon... mit haylichkheet un aach mit te eerlichkheet woo fon Kot khomt, ... 19 Wayl Kot sayn Soon, Yeesus Kristus, woo meyer — es wil saan, ich, Silwano un Timoteus — unich aych kepreeticht hon (...) 20 ‘Es is ekaal wii fiil Kot sayn ferxpreche sin, tii sin torich Yeesus “yaa” kep.’ Tes weeche, wërt aach torich tëm Amen tsu Kot kesaat, un tas kept tëm hërlichkheet torich uns. 21 Awer Tee woo karantiirt tas meyer un teyer tsu Kristus keheere, un uns kesalpt hot, is Kot. 22 Tee hot aach sayn mark iwich uns ketuun un hot uns ti karantii këp iwer tas was noch khome tuut, tas petayt, te kayst, in unser hërts. 24 Meyer sin net ti hëre fon ayre klaape, awer mer sin mitaarwayter fer ayre frooheet, wayl es is weeche ayre klaape tas teyer xteen playpt.