Lukas

12 Als tas, wii eene kroos folek fon tausente sich fersamelt hat, im aat tas se sich eenaner fertreet hon, fangt ëyer aan tsu ëyerst mit sayn tisipele se xprëche: “Phast uf mit tëm heep fon te farisëye, woo ti falxheet is. 2 Awer es kept niks soo kuut ferxtekelt woo net uf ketekt wërt, un es kept niks woo ferxtekelt is woo net pekhant wërt. 6 Wëre net finef xpërlinge ferkaaft fer tswaay nikele mit pisye weyert? Un toch, khee eene tuut Kot ferkese. 7 Soo kaar ti hoer fon ayre khep sin al ketseelt. Tuut khee pang hon; teyer hot mee weyert wii fiile xpërlinge. 11 Wën se aych foer puuplixe asëmpleye nëme, tiiner fon te rechiirunge un autoriteete, praycht aych khee soriche too triwer mache mit was teyer xpreche solt orer wii xpreche, 12 wayl te hayliche kayst tuut aych in tiise selwich xtun in lërne was teyer saan solt. 13 Tan hot yemant fon tas folek fer tëm kesaat: ”‏Leerer, saa fer mayn pruuter tas eyer sol ti ërpxaft mit mich teele.”‏ 14 Tee hot tëm keantwort: ”‏Mënx, weer hot mich in kesetst als richter orer mich tas recht kep fer ti raychtum tswixich aych teele?”‏ 15 Tan hot eyer tsu tëne kesaat: “Halt ayre aue uf un halt aych wech fon pekiirich sin iwer kwalkee materyaalix tings, wayl, soo kaar wën yemant fiil hot, khomt sayn leepe net fon te tinge woo eyer hot.” 16 Tan, hot eyer tëne een ilustratsyoon fertseelt: “Tas lant fon een rayche man hot een kuut ërntung kep. 17 Tes weeche, hot eyer aan kefang se pleene: ‘Was khan ich mache yets woo ich kheen mee plats hon fer mayn ërntung uf raume?’ 18 Tee hot tan kesaat: ‘Ich mache es soo: ich tuun mayn xope ap rayse un kreeser paue, un tat tuun ich mayn kans ërntung un mayn kanse kuute tinge uf raume. 19 Tan tuun ich fer mich selepst saan: “Tuu host fiile kuute tinge kesamelt fer fiile yoore. Ruu, es, trink un fray tich.”’ 20 Awer Kot hot tëm kesaat: ‘Tuu unferninftiche man, hayt oomt tuust tuu xtërpe. Weer kriit tan ti tinge woos tuu kesamelt host?’ 21 Tas is was pasiirt mit tëm man woo xatse fer sich selepst samelt, awer is net raych foer Kot sayn aue.” 24 Kukt mool ti raap feechel: tii tuun net seeye orer ërnte un tii hon khee hit orer xop fer ese uf raume, awer Kot tuut se ese kepe. Meecht teyer net fiil mee weyert wii ti feechel hon? 27 Kukt mool wii ti lilye wakse: tii mache sich khee mii un tuun niks fleechte. Awer ich saan aych tas noch net mool Salomon waar in sayn hërlichkheet soo xeen aan ketsoo wii eene fon tëne. 28 Tes weeche wën Kot soo aan tsiit ti planse fom khamp, woo hayt hiir sin un moye sin in te oowe kexmis, tuut eyer aych noch sicher aan tsiie, mënxe mit weeniche klaape! 29 Soo lost noo se suuche was teyer ese orer trinke tuut, un lost noo aych tsu fiil ketanke mache. 30 Weeche tas ales tuun ti natsyoone sich aarich aan xtrenge. Awer ayre Fater wees tas teyer tas ales praycht. 31 Xtats tas, suucht wayter tëm sayn Raych un tiise anere tinge wëre aych kep. 32 “Tuu khee pang hon, kleene trop, wayl ayre Fater wil tas Raych aych kepe. 40 Teyer solt aych aach imer fërtich hale, wayl te Mënxe Soon khomt in een xtun woo teyer tëm net waart.” 42 Un te Hër hot kesaat: “Weer is wërklich te troye atministratoer, te ferninftiche (...) 47 Tan, te sklaaw woo te wile fon sayn hër ferxtan hot, awer woo sich net foer perayt hot un net kemacht hot was tëm ferlangt waar, tuut fiile xlaae kriin. 48 Awer tee woo tas net ferxtan hot un woo was kemacht hot woo xtroof fertiint, tuut weeniche xlaae kriin. Yawool, wën yemant fiil kriit hot, wërt es tëm fiil ferlangt; un wën fiiles tsu yemant fertraut waar, wërt es tëm ferlangt mee wii tas keweenliches. 49 “Ich sin khom fer een fayer uf te eyert aan mache un tas is xon am prëne. Was noch khent ich winxe? 53 Tii wëre keteelt sin: papa keeche soon un soon keeche papa; mama keeche tochter un tochter keeche mama; xwiichermuter keeche xwiichertochter un xwiichertochter keeche xwiichermuter.”