Hepreeyer
13 Ayre priiterlich liip sol wayter hale. 2 Ferkest aych net ti anere fraayntlich aan nëme, wayl soo hon etliche, oone se wise, engele aan kenom. 3 Erinert aych fon tëne woo inkexpërt sin, soo wii wën iir mit tëne inkexpërt weyert un fon tëne woo xlecht pehantelt sin, wayl iir selepst sayt aach im khërper. 4 Ti hayrat sol in eere kehal wëre, un tas hayrat pet sol phuer plaype, wayl Kot tuut tii al richte woo sëksuaal imoraalich sin un ti woo untroy sin in te hayrat. 5 Ayre leepe mus fray fon te liip tsum kelt sin; sayt tsufriite mit was teyer hot. Wayl eyer hot kesaat: “Ich tuun tich nii lose un ich tuun tich nii im xtich lose.” 6 Soo khene mer fol koraaj wëre un saan: “Yeehoowa is mayn helfer; ich tuun khee pang hon. Was khan te mënx mich mache?” 7 Erinert aych fon tëne woo aych fiire, woo Kot sayn wort fer aych pekhant kemacht hon. Peopacht kenau ti resultaate fon tëne sayn aanxtelung un macht tëne sayn klaape noo. 8 Yeesus Kristus is te selwich — keeste, hayt un fer imer. 9 Tuut net fon xpasiche un unerxiitliche inlërnunge ap kelenkt wëre; wayl es is peser tas tas hërts torich ti unfertiint kuutheet ferxtërkt is, wii torich tas esmitel, woo khee nutse pringt fer tii woo interes aan tëm hon. 12 Tes weeche, hot Yeesus aach aus te tooer fon te xtat kelit, fer tas folek mit sayn aychne pluut ferhayliche. 14 wayl too hiir hon mer net een xtat woo playpt, awer meyer tuun ërnstlich suuche ti xtat woo khomt. 15 Torich tëm, wole mer imer een opfer fon loop fer Kot mache, es wil saan, ti frucht fon unsere lipe, woo puuplix ausxprechung fon sayn naame mache tuun. 16 Un noch: ferkest aych net tas kuutes se mache un se teele was teyer hot mit te anere, wayl Kot kefalt sich mit tiise opfere. 17 Sayt folich tsu tëne woo aych fiire un sayt wilich fer tëne sayn autoriteet respektiire, wayl tii tuun aych uf phase un mise een aprechnung weeche tas mache. Soo, tuun se tas mit frooheet mache un net oone muut, wayl tas khent aych xaate mache. 18 Peet wayter fer uns, wayl mer uns sicher sin tas mer een kuut kewise hon, wayl mer uns in ale tinge eerlich aan xtele wole. 22 Mayn priiter, ich ferlange tas teyer mit ketult tiise uf muutiche wërter heert, wayl ich aych een khorts priif kexrip hon.