Psalme

105 Tankt Yeehoowa, ruuft sayn naame aan, macht sayn aktsyoone unich ti foleke pekhant! 3 Tuut iwer tëm sayn hayliche naame, xtols xpreche. Ti hërtse fon tëne woo Yeehoowa suuche, sole sich fraye. 8 Eyer tenkt imer aan sayn pakt traan; Eyer erinert sich aan sayn ferxprechung torich tausent xeneratsyoone; 9 Fom pakt woo eyer mit Apraham kemacht hot, Fom jurament woo eyer mit Isak kemacht hot, 10 Een jurament woo eyer fer Yaakop aus kexproch hot; Een pakt fer Israël woo lang halt, 11 Wii eyer kesaat hot: “Ich tuun tich tas lant fon Kanaan kepe, Wii tayn rauskesuuchtne ërpxaft.” 12 Tas is pasiirt wii se weenich waare, Yaa, kans weenich, un tii waare auslënter in tiise lant. 13 Tii sin fon natsyoon tsu natsyoon Un fon raych tsu raych kang. 17 Tee hot foer tëne eene man kexikt, Yoosef, Woo wii sklaaw ferkhaaft woer is. 18 Tëm sayn fiis sin mit khete fest kepun woer, Un um sayn hals hon se ayse ketuun; 19 Pis ti tsayt woo Tëm sayn wort sich erfiilt hot. Yeehoowa sayn ausxprechung hot tëm ferpesert. 40 Tii hon ferlangt un eyer hot se kotoorne kexikt. Tee hot se wayter sat kelos mim proot fom himel. 42 Wayl eyer traan ketenkt hot fon sayn haylich ferxprechung woo eyer fer Apraham, sayn tiiner, kemacht hot. 43 Tan hot eyer sayn folek mit kroos frayt raus kefiirt; Sayn rauskesuuchtne, mit yukse fon frayt. 44 Eyer hot se ti lënter fon te natsyoone kep; Tii hon keërpt was ti anere foleke xweyer kexaft hon fer protutsiire.