Tyako

3 Wën teyer etwas ferlangt, kriit teyer tas net, wayl teyer es ferlangt weeche ferkheerte uersache, es wil saan, fer ayre sintiche winxe erfiile. 4 Atultere, wist teyer net tas fraayntxaft mit te welt hon, petayt faynte fon Kot se wëre? Tes weeche, weer fraaynt fon te welt wil sin, macht sich selepst tsu Kot sayn faynt. 5 Orer mënt tëyer tas es is oone weyert tas ti Xrifte saan: “Te kayst woo aan kefang hot in uns leepe, playpt wayter fol mit naytiche winxe”? 6 Awer, ti unfertiint kuutheet woo Eyer kepe tuut, is kreeser. Tes weeche, saan ti Xrifte: “Kot tuut sich keeche ti hoochmuutiche xtele, awer kept unfertiint kuutheet fer ti teemuutiche.” 7 Tes weeche, tuut aych unich Kot sayn autoriteet xtele, awer tuut aych keeche te Taywel xtele, un tee tuut fon aych aus rayse. 8 Khomt ticht tsu Kot, un Eyer khomt ticht tsu aych. Macht ayre hënt sauwer, teyer sinter, un ayre hërtse phuer, teyer woo net wist was teyer wolt. 11 Lost noo, priiter, eene keeche te aner xpreche. Weer keeche eene pruuter xprecht, orer tuut sayn pruuter richte, tuut keeche tas kesets xpreche un tuut tas kesets richte. Un, wëns tuu tas kesets richte tuust, pist tuu net yemant woo noo tas kesets keet, awer pist tuu te richter. 12 Es kept ploos eene woo ti kesetse macht un woo Richter is, tee woo macht hot fer rete un fernichte. Awer tuu, weer pist tuu fer tayn neekste richte? 13 Yets, heert mool, teyer woo saat: “Hayt orer moye, tuun mer fer tiise xtat reese, een yoer tat plaype, kexefte mache un kelt kriin”, 14 opwool teyer wist net wii ayre leepe moye wërt. Wayl teyer soo wii een neewel sayt, woo torich een khorts tsayt tsum foer xayn khomt un tan ferxwint. 15 Xtats tas, solt teyer saan: “Wën Yeehoowa wil, tuun mer leepe un tas too orer tas tat mache.” 17 Wën yemant wees was richtich is fer se mache un imer noch tas nët mache tuut, is es een sint fer tëm.