Eeksotus

4 Tan, hot Mooses tswaay thaafele fon xteen perayt wii ti eyerste. Tee is moynts frii uf kextii un is uf te përich Sinaay kang, mit ti tswaay thaafele in ti hënt, soo wii Yeehoowa kexikt hat. 5 Tan is Yeehoowa in een wolk runer khom un hot sich tat pay tëm kextelt, un Yeehoowa hot sayn aychne naame aus kexproch. 6 Yeehoowa is foer tëm torich kang un hot kesaat: “Yeehoowa, Yeehoowa, een Kot woo parmhërtslich un mitlaytich is, ketultich un fol leaale liip un woerheet, 7 woo leaale liip fer tausente tsaycht un woo ti feeler un ti sint fertsayt. Awer tee tuut nii oone xtroof lose tee woo xultich is. Weeche ti feeler fon te eltere, tuut eyer xtroof pringe iwer ti khiner un ti enkelskhiner, iwer ti trit xeneratsyoon un iwer ti fiert xeneratsyoon.” 23 “Tray mools yoer, ti kanse mëner mise foer Yeehoowa khome, te woere Hër, te Kot fon Israël. 24 Wayl ich tuun ti natsyoone foer tich wech xike un tayn teritooryum ferkreesere, un nimant tuut tayn lant winxe, wëns tuu tray mool im yoer foer Yeehoowa, tayn Kot keest. 27 Yeehoowa hot noch fer Mooses kesaat: “Tuu solst tiise wërter uf xraype, wayl tëm noo tiise wërter, mache ich een pakt mit tich un mit Israël.”