LIIT 14
Yeesus — te naye Kheenich fon te eyert
1. Fon yeete xtam, fon yeete lant,
sin fiile layt kesamelt.
Te Kheenich Yeesus xaft too traan,
tsusamer sayn kesalpte.
Tas Raych is yets xon in kextelt;
Im himel kepts kerechtichkheet.
Klaych wërt Kot sayn wile aach kemacht
Iweraal too uf te eyert.
(REFRAN)
Loopt Yeehoowa Kot un loopt te Kheenich Yeesus!
Singt al mitsamer een xeene liit.
Loopt te Kheenich fon te kheeniche hayt
Wayl eyer pringt eewich friit.
2. Hayt Yeesus is te Prins fom Friit,
is een kerechte richter.
Tee pringt ti seechen fon tëm Raych
tsu al woo Kot aan heere.
Es kepe tuut khee traurichkheet,
Khee toot, khee phayn un ëngstlichkheet.
Kans sicher es khomt was Kot ferxprecht!
Meyer tuun tas hërtslich waarte.
(REFRAN)
Loopt Yeehoowa Kot un loopt te Kheenich Yeesus!
Singt al mitsamer een xeene liit.
Loopt te Kheenich fon te kheeniche hayt
Wayl eyer pringt eewich friit.
(Kuk aach Psal. 2:6; 45:1; Isa. 9:6; Yoo. 6:40.)