LIIT 159
Kep hërlichkheet tsu Yeehoowa
1. Oo Soweraan Hër Yeehoowa,
Weer mit tich sich ferklaycht?
Oo Kot, wii khent ich petsaale
Ti liip woos tuu imer mich tsaychst?
Wën ich te himel noo kuke,
Siin ich wii hërlich tuu pist.
Weer sin ich, oo Yeehoowa,
Fer tayn acht un tsuxtimung kriin?
(REFRAN)
Yeehoowa Kot, ich pite, heer mich.
In tëm liit ich loope tich.
Tuu pist mayn Kot, te Hër fon eewichkheet.
Soo tuu pist tee woo fertiint
Hërlichkheet fer imer kriin.
2. Oo Kot, ich wil tich kefale
Mayn leepe lang, fom hërts aus.
Iwer tayn kuutheet un aarwayt,
Mit frayt, tuun ich xpreche fer al.
Tayn tiiner sin, oo Yeehoowa,
Is mayne kreeste kexenk.
Mit xtarke hant, machst mich kreftich.
Ich wil tas tuu imer mich lenkst.
(REFRAN)
Yeehoowa Kot, ich pite, heer mich.
In tëm liit ich loope tich.
Tuu pist mayn Kot, te Hër fon eewichkheet.
Soo tuu pist tee woo fertiint
Hërlichkheet fer imer kriin.
3. Mayn hërts tuut frayt iwerlaafe
Weeche tayn kroos kriatsyoon.
Wii xeen tas meer, ti eyert,
Ti xtërne, ti sun un te moont!
Ich siin in ales tayn kluucheet,
Tayn mechtich kraft un tayn liip.
Kot, wii khent ich net tich loope?
Te kroos Kriatoer tuu pist.
(REFRAN)
Yeehoowa Kot, ich pite, heer mich.
In tëm liit ich loope tich.
Tuu pist mayn Kot, te Hër fon eewichkheet.
Soo tuu pist tee woo fertiint
Hërlichkheet fer imer kriin.
(Kuk aach Psal. 96:1-10; 148:3, 7.)