Tuu ti elter fraae wii miter pehantele un ti yingere wii xwestere

Ti Piipel saat tas mer ti elter priiter un xwestere wii fatere un miter pehantele sole un ti yingere priiter un xwestere wii unser aychne priiter un xwestere. (Lees 1 Timoteus 5:1, 2.) Hauptseechlich ti mëner in te kemaynt sole ti xwestere mit respekt un eer pehantele.

Een pruuter sol nii romantixe interese fer een xwester tsayche, woo eyer net hayrate wil orer mache tas ti xwester sich xlecht xpiirt. (Yoop 31:1) Een leetich pruuter sol net mit te xpiirunge fon een leetich xwester xpiile un mache tas tii tenke teet tas eyer mit tii namoriire wil, awer in woerheet wil eyer tas net.

Ti elteste mise aach ti xwestere kuut pehantele. Khan sin tas een xwester mit respekt etwas fer een elteste froot orer pringt etwas fer tëm tsum foer woo sol in te kemaynt uf kephast wëre. Ti elteste mise heere un acht fer ti xwester sayn mënung kepe. Un noch, tii sole sich khimere mit te xwestere woo khee man hon fer tii xitse. (Rut 2:8, 9)

TSAYCH TE WIITEO IN TE KEMAYNT, TSAYCH TI LIIP WOO KHEE ËN HOT—TSU TI WITFRAAE UN KHINER WOO KHEE ELTERE HON. NOCHTER, TUU ANTWORTE:

• 

  Wii hot ti kemaynt liip fer ti xwester Myint ketsaycht?

• 

  Ti liip fon te kemaynt waar een kuut tsaye fer ti nochpere fon te xwester Myint. Warom?

• 

  Warom waar ti liip fon te kemaynt een kuut payxpiil fer ti khiner fon te xwester Myint?

Was khanst tuu mache fer se tsayche tas tuu tich mit te xwestere fon te kemaynt khimere tuust?