Erinerst tuu tich?

Host tuu Te Wachthorm mit acht tiise yoer kelees? Kuk eps tuu khanst tiise frooche antworte:

Warom eere mer Yeehoowa?

Meyer mache tas wayl mer Yeehoowa tiif respektiire un tëm fiil liipe. Meyer tuun aach Yeehoowa eere wayl mer wole hon tas ti anere tëm khëne lërne. (w25.01 s. 3)

Wën yemant uns pelayticht, was khan uns helfe fertsaye?

Xtats ploos unser xpiirunge neewe lose, xtrenge mer uns aan fer net wayter pees plaype. Tas tuut uns helfe net piterlich wëre. (w25.02 s. 15, 16)

Warom is te tisipel Markus een kuute payxpiil fer ti yunge priiter?

Markus hot wilich aan kenom een insetsung fer ti anere tiine. Khan sin tas eyer traurich un pelayticht kep is weeche een situatsyoon, awer eyer hot net noo kelos ti priiter tiine. Tee hot aach een kuut fraayntxaft mit Phaul un anere rayfe priiter ëntwikelt. (w25.04 s. 27)

Was wolt Yeesus saan wii eyer kepeet hot: “Ich hon tëne tayn naame pekhant kemacht”? (Yoo. 17:26)

Yeesus sayn tisipele wuste xon tas Kot sayn naame Yeehoowa is. Awer Yeesus hot tëne keholef ti persoon hinich Yeehoowa sayn naame peser khëne lërne, too tepay Sayn tsiile, aktiwiteete un kwaliteete. (w25.05 s. 20, 21)

Wën meyer teemuutich sin, was tuun mer erkhëne?

Meyer tuun erkhëne tas mer net ales wise. Tsum payxpiil, meyer wise net wanee tas ën khome tuut, un was Yeehoowa in tëne tsayt mache tuut. Meyer wise aach net was im futuer pasiire tuut orer wii kuut Yeehoowa uns khënt. (w25.06 s. 15-18)

Was khan uns helfe nutse kriin fon een artikel orer een puuplix reet?

Meyer khene uns frooe: ‘Was fer pewaysunge sin penutst fer tiise piiplix woerheet aus leye? Kepts een ferklaychung woo ich ap kuke khent fer anere in lërne? Weer khan sich too triwer interesiire?’ (w25.07 s. 19)

Was khene mer lërne iwer Kot sayn fertsayung mit te aat wii eyer Tawi pehantelt hot?

Opwool Tawi phaar xlime feeler kemacht hot, wii eyer sich hërtslich peroyt hot, hot Yeehoowa tëm fertsayt. (1 Khe. 9:4, 5) Wën Yeehoowa fertsayt, tuut eyer sich too tefun ferkese un tuut nii tas keeche te sinter penutse orer tëm too teweeche xtroofe. (w25.08 s. 17)

Was khanst tuu mache wën een xtutënt fint es xweyer een phunkt se ferxteen?

Wën een phunkt noch xweyer fer te xtutënt is, soo kaar noo tas tuu tich aan kextrengt host fer tëm kuut aus leye, tuu wayter xtutiire un khom tsu tiise phunkt xpeeter tsurik. (w25.09 s. 24)

Ti Piipel xprecht iwer “ti hinerlistich macht fon te sint”. (Hep. 3:13) Was petayt tas?

Ti sint khan uns fersuuche was ferkheertes mache. Tii khan aach uns tswayfele mache, tsum payxpiil, tas Yeehoowa uns liipt. (w25.10 s. 16)

Was fer tray tinge khene uns helfe unser kepeete ferpesere?

(1) Tenke iwer Yeehoowa sayn kwaliteete. (2) Tenke iwer was fer propleeme meyer am mit mache sin. Tsum payxpiil, fiilaycht mise mer yemant fertsaye. (3) Tsayt hoole fer lënger kepeete mache. Tas ales tuut uns tsiimlich sicher helfe unser tiifste ketanke tsu Yeehoowa aus leye. (w25.10 s. 19, 20)

Wii khene mer ti eltere layt helfe?

Meyer khene tëne pesuuche un aan ruufe. Wën se mise paym tokter keen, fiilaycht khene mer mit tëne keen. Un meyer khene aach in unerxiitliche aate mit tëne preetiche. (w25.11 s. 6, 7)

Was fer piiplixe funtamente khene een pheyerche helfe Yeehoowa eere in sayn hoochtsayt?

Tas pheyerche sol ti kesetse foliche. Tii sole sich sicher sin tas ti hoochtsayt aanxtëntich wërt un ti xeene kwaliteete fon Kot sayn kayst tsaycht. Tii sole net tsu fiil acht fer sich selepst ruufe in te aat wii se sich aan tsiie un sole sich wayt wech hale fon kewoonheete woo net mit te Piipel xtime. Tii mise aach taytlich un mit kexik xpreche wën se sayn pleen fer ti hoochtsayt am mache sin. (w25.12 s. 21-24)