LISIOON 11

Tuu mit muut xprëche

Romanos 12:11

WAS MUST TUU MACHE? Xprëch in een froo aat fer ti anere uf muute.

Los tayn hërts fërtich. Wëns tuu tayn foerxtëlung in richts, tënk wii wichtich is tas woos tuu xprëche wilst. Tuu must ti sache soo kuut khëne tas tuu tas mit tayn aychne wërter aus lëye khanst.
Tënk aan tii woo tich aan heere. Tënk wii tas was tuu saast ti layt hëlfe khan. Iwerlee tich was tuu mache khanst tas ti layt sich interesiire aan was tuu xprëchst.
Këp leepe tsu tayn foerxtëlung. Xprëch mit muut. In een natiirlich aat, weekel ti hënt un tsaych mim kesicht was tuu wërklich xpiirst.

Phas uf tas tuu nët imer in ti sëlwiche aat weekelst, wayl tas khan ti layt ap lënke. Tuu in een aat weekele woo se tuun hot mit tas was tuu xprëchst. Xprëch mit muut haupstsëchlich wëns tuu wichtiche phunkte in lërne wilst un tii woo tich aan heere aan muute. Awer say nët aus ferxeemt. Wëns tuu ti kans tsayt ploos mit muut xprëchst, khëne ti layt tas laytich wëre.