• Detewonòm 12:5, 6
    Labib — Tradiksyon monn nouvo a

    • 5 Olye de sa, kèlkeswa kote Jewova, Bondye nou an, chwazi pou nou bay non l glwa, kèlkeswa kote l ap abite nan mitan tout tribi nou yo, se la pou n al sèvi l+. 6 Se kote sa a pou nou pote sakrifis n ap boule nèt yo+, lòt sakrifis nou yo, dizyèm*+ nou yo, kontribisyon nou yo+, ofrann ki gen rapò ak ve nou fè yo, ofrann kè nou pouse nou fè yo+, premye pitit bèf nou yo ak premye pitit mouton nou yo+.

  • 1 Wa 9:3
    Labib — Tradiksyon monn nouvo a

    • 3 Jewova di l: “Mwen te tande priyè w te fè devan m nan kote w te mande pou m fè w favè a. Mwen mete kay sa a ou bati a apa pou mwen e non m ap toujou makònen avè l+. Je m ap toujou sou li e l ap toujou nan kè m+.

  • Sòm 122:pawòl ki anlè tèt-9
    Labib — Tradiksyon monn nouvo a

    • Yon chante pou moun k ap monte yo. Se David ki te ekri l.

      122 Mwen te kontan lè yo te di m:

      “Ann al lakay Jewova+.”

       2 Kounye a, nou kanpe

      Anndan pòtay ou yo, o Jerizalèm+.

       3 Jerizalèm se yon vil ki fè yon sèl,

      Kote konstriksyon yo kole kole youn ak lòt+.

       4 Tribi yo, wi, tribi Ja* yo

      Monte nan vil la

      Pou yo ka fè louwanj pou non Jewova+,

      Jan Lalwa li bay Izrayèl la mande sa.

       5 Paske, se nan vil la twòn jij yo ye+,

      Twòn desandan David yo+.

       6 Priye pou Jerizalèm ka gen lapè+.

      Moun ki renmen w yo ap an sekirite, o Jerizalèm.

       7 Se pou toujou gen lapè anndan miray ou yo ki byen solid,

      Se pou tout moun ki abite nan fòtrès ou yo toujou santi yo an sekirite.

       8 Poutèt frè m yo ak zanmi m yo, m ap di:

      “Se pou gen lapè nan mitan w.”

       9 Poutèt kay Jewova, Bondye nou an+,

      M ap chèche bon bagay pou ou.