Pwovèb

13 Pitit ki gen sajès la aksepte disiplin papa l ba li+,

Men, moun k ap pase moun nan rizib la pa koute lè yo korije* l+.

 2 Pawòl* yon moun ap fè l manje sa ki bon+,

Men, tout dezi* moun ki trèt la se vyolans.

 3 Moun ki veye sa k ap sot nan bouch li* pwoteje lavi* li+,

Men, moun ki pa kontwole bouch li malè ap rive l+.

 4 Moun ki parese a anvi anpil bagay, poutan li* pa gen anyen+,

Men, moun* ki renmen travay la ap gen tout sa l bezwen*+.

 5 Moun ki dwat la rayi manti+,

Men, aksyon moun ki mechan an fè pot lawont ak dezonè.

 6 Se sa ki dwat moun ki inosan yo fè ki pwoteje yo+,

Men, se bagay mal moun k ap fè peche yo fè ki lakòz yo tonbe.

 7 Gen moun ki pran pòz yo rich, epoutan yo pa gen anyen+,

Gen lòt menm ki pran pòz yo pòv, men yo rich anpil.

 8 Moun ki rich yo bay richès yo pou sove lavi* yo+,

Men, moun ki malere yo pa menm resevwa menas*+.

 9 Limyè moun ki dwat yo byen klere*+,

Men, lanp moun ki mechan yo ap etenn+.

10 Lè moun pran dwa ki pa pou yo, se nan kont sa mennen sèlman+,

Men, moun k ap chèche konsèy gen sajès+.

11 Richès yon moun genyen byen rapid* ap fini+,

Men, richès yon moun ki sanble sa l genyen tikras pa tikras* ap vin plis.

12 Lè yon moun ap tann* yon bagay e sa pa rive lè l t ap tann li an, sa fè l pèdi espwa+,

Men, lè sa l vle a rive, sa tankou yon pyebwa ki bay lavi+.

13 Moun ki refize koute sa yo di l* ap peye sa+,

Men, moun ki respekte lalwa ap jwenn rekonpans+.

14 Ansèyman* moun ki gen sajès yo bay se yon sous ki bay lavi+.

Li ede moun evite pyèj ki bay lanmò yo.

15 Moun ki gen bon konprann toutbon jwenn favè,

Men, wout moun ki trèt yo pa bon.

16 Moun ki gen lespri a aji ann amoni ak konesans+,

Men, moun ki sòt la fè tout moun wè jan l sòt+.

17 Yon mesaje ki mechan ap tonbe nan pwoblèm+,

Men, yon mesaje ki fidèl fè moun jwenn byenfè+.

18 Moun ki pa okipe disiplin ap vin pòv e y ap wont,

Men, moun ki dakò yo korije l* ap jwenn glwa+.

19 Lè yon moun* jwenn sa l vle, sa fè l kontan+,

Men, moun ki sòt la derefize vire do bay sa ki mal+.

20 Moun ki mache ak moun ki gen sajès ap vin gen sajès+,

Men, moun ki annafè ak moun ki sòt, sa ap mal pou li+.

21 Se malè ki dèyè moun k ap fè peche yo+,

Men, moun ki dwat yo ap jwenn gwo rekonpans+.

22 Moun ki bon an kite yon eritaj pou pitit pitit li,

Men, y ap sere richès moun k ap fè peche a pou moun ki dwat la+.

23 Tè moun ki malere a travay bay anpil manje,

Men, enjistis moun fè ka pote tè a* ale.

24 Moun ki refize bay pitit li baton* rayi pitit li+,

Men, moun ki renmen pitit li pa neglije ba l disiplin*+.

25 Moun ki dwat la manje e vant* li plen+,

Men, vant moun ki mechan an vid+.