Sòm

45 Gen yon bon bagay ki touche kè m anpil.

Mwen di: “Chante m nan* ap pale de yon wa+.”

Se pou lang mwen vin tankou yon plim+ ki nan men yon moun ki ekri byen+.

 2 Se ou ki pi bèl gason pami pitit gason lèzòm yo.

Se pa ti bèl pawòl ki sot nan bouch ou bèl+!

Se sa k fè Bondye beni w pou toutan+.

 3 Gason vanyan+, mare epe w+ nan ren w.

Mare ren w ak diyite ak laglwa+.

 4 Pandan w gen glwa a, al ranpòte laviktwa+.

Monte cheval ou epi batay pou moun ki gen imilite yo, pou laverite ak lajistis+,

E w ap reyalize gwo bagay ak men dwat ou.

 5 Flèch ou yo pwenti, yo fè moun tonbe devan w+.

Yo antre nan kè ènmi wa a+.

 6 Bondye se twòn ou pou tout tan gen tan+.

Baton wayòm ou an se yon baton ladwati*+.

 7 Ou renmen sa ki jis+ e w rayi mechanste+.

Se poutèt sa, Bondye, Bondye w la, chwazi w, li vide luil sou tèt ou+ e li ba w plis kè kontan+ pase konpayon w yo.

 8 Tout rad ou gen sant lami*, sant kas ak sant lalwa*.

Son enstriman akòd yo k ap soti nan gwo palè ki dekore ak ivwa a fè kè w kontan.

 9 Pami fi w onore yo, genyen ki pitit fi wa.

Rèn nan kanpe adwat ou e li gen bijou sou li ki fèt ak lò ki sot Ofi+.

10 Tande, pitit fi m, panche zòrèy ou pou w koute m.

Bliye pèp ou a, bliye kay papa w.

11 W ap atire wa a paske w bèl.

Se li menm ki chèf ou,

Kidonk, se pou w bese byen ba devan l.

12 Pitit fi Ti a ap vini avèk yon kado.

Mesye ki pi rich yo ap chèche jwenn favè w*.

13 Pitit fi wa a gen anpil glwa anndan palè a*.

Yo dekore rad li ak* lò.

14 Y ap mennen l kot wa a avèk bèl rad ki byen tise*.

Yo mennen vyèj k ap suiv li yo devan w.

15 Ap gen rejwisans ak kè kontan pandan y ap mennen yo.

Y ap antre anndan palè wa a.

16 Pitit gason w yo ap pran plas zansèt ou yo.

W ap fè yo vin prens sou tout tè a+.

17 M ap fè moun konn non w+ jenerasyon apre jenerasyon.

Konsa, anpil pèp va fè louwanj pou ou pou tout tan gen tan.