Sòm

50 Jewova, Dye ki anlè tout lòt dye yo+, pale,

Li konvoke latè,

Depi kote solèy la leve a rive kote l kouche a*.

 3 Bondye nou an ap vini e li pa ka ret an silans+.

Devan l gen yon dife k ap boule+,

Gen yon gwo tanpèt toutotou l+.

 4 Li konvoke syèl la anlè a ak tè a+,

Pou l jije pèp li a+. Li di:

 5 “Nou menm ki fidèl avè m, vin jwenn mwen,

Nou menm ki fè yon alyans avè m sou baz yon sakrifis+.”

 6 Syèl la ap fè konnen jan Bondye jis,

Paske se Bondye ki Jij+. (Sela)

 7 “O Izrayèl, pèp mwen an, koute m, m ap pale avèk nou,

M ap temwaye kont nou+.

Mwen se Bondye, Bondye nou an+.

 8 Se pa poutèt sakrifis nou yo m ap blame nou,

Ni poutèt ofrann nou boule nèt ki devan m toutan yo+.

 9 Mwen pa bezwen pran yon towo bèf lakay nou,

Ni kabrit* nan pak nou yo+.

10 Paske, tout bèt nan bwa se pou mwen+,

E menm bèt ki sou tout mòn yo se pou mwen.

11 Mwen konn tout zwazo ki gen nan mòn yo+.

Pakèt zannimo ki nan savann yo se pou mwen.

12 Si mwen ta grangou, mwen pa t ap di nou sa.

Paske, tè a ak tout sa k sou li se pou mwen yo ye+.

13 Èske m ap manje vyann towo bèf?

Èske m ap bwè san kabrit+?

14 Ofri Bondye remèsiman kòm sakrifis+,

Respekte pwomès nou fè Sila a ki nan pi gwo pozisyon an+.

15 Se pou nou rele m lè nou nan pwoblèm+.

M ap sove nou e nou menm n ap ban m glwa+.”

16 Men, men sa Bondye ap di mechan an:

“Ki dwa w pou w fè moun konnen lwa m yo+,

Oswa pou w pale moun de alyans mwen an+?

17 Paske, ou rayi disiplin*

E w kontinye vire do bay pawòl mwen yo*+.

18 Lè w wè yon vòlè, ou montre l ou dakò ak sa l ap fè yo*+.

Se moun k ap fè adiltè ki zanmi w.

19 Ou sèvi ak bouch ou pou w di sa k mal,

Ou sèvi ak lang ou pou w bay manti+.

20 Ou chita ak lòt moun pou w pale pwòp frè w mal+,

Ou fè moun konnen defo* pitit gason manman w genyen.

21 Lè w te fè bagay sa yo, mwen te rete san m pa di anyen.

Se sa k fè w te panse mwen t ap fè menm jan avè w.

Men, kounye a, m ap blame w,

M ap fè konnen ki pwoblèm mwen gen avè w+.

22 Tanpri, sonje sa, ou menm ki bliye Bondye+,

Pou m pa fè w fè miyèt moso san w pa gen pèsonn pou sove w.

23 Moun ki ban m remèsiman kòm sakrifis ban m glwa+,

E kanta pou moun ki kontinye mache nan bon chemen an,

M ap delivre l+.”