Sòm

114 Lè pèp Izrayèl te kite peyi Ejip+,

Lè desandan Jakòb yo te soti nan mitan yon pèp ki pale yon lòt lang,

 2 Tribi Jida a te vin yon kote ki apa pou Bondye,

Izrayèl te vin pèp l ap dirije a+.

 3 Lanmè a te kouri akoz sa l te wè a+,

Rivyè Jouden an te fè bak+.

 4 Mòn yo te ponpe tankou mal mouton+,

Ti mòn yo te ponpe tankou ti mouton.

 5 O lanmè, ki sa k te fè w kouri+?

O Rivyè Jouden an, ki sa k te fè w fè bak+?

 6 Nou menm mòn, poukisa nou te ponpe tankou mal mouton?

Nou menm ti mòn, poukisa nou te ponpe tankou ti mouton?

 7 Ou menm tè a, se pou w tranble akoz Seyè a,

Akoz Bondye Jakòb la+,

 8 Ki fè wòch la tounen yon kote ki plen dlo ak wozo,

Ki fè wòch silèks la tounen yon sous dlo+.