Sòm

12 O Jewova, sove m, paske pa gen moun ki fidèl ankò,

Pa gen moun ki fidèl pami lèzòm ankò.

 2 Youn ap bay lòt manti,

Y ap flate moun ak bouch yo* e y ap twonpe moun*+.

 3 Jewova ap fèmen tout bouch k ap flate moun,

E l ap elimine tout lang k ap fè grandizè+,

 4 Moun k ap di: “N ap pot laviktwa sou yo ak lang nou.

N ap sèvi ak lang nou jan nou vle.

Ki moun ki ka vin pase nou lòd+?”

 5 Jewova di: “Piske y ap toupizi moun k ap soufri yo

E yo lakòz moun ki pòv yo ap plenn+,

M ap pase alaksyon.

M ap sove moun sa yo anba men moun k ap meprize yo.”

 6 Pawòl Jewova yo pwòp+,

Yo tankou ajan yo pase sèt fwa nan founèz ki fèt an tè* pou yo pirifye l.

 7 W ap pwoteje yo, o Jewova+,

W ap pwoteje yo chak anba men jenerasyon moun sa yo pou toutan.

 8 Mechan yo ap pwonmennen toupatou jan yo vle

Paske lèzòm ap fè lwanj pou move bagay+.