Pwovèb

16 Fason yon moun reflechi nan kè l depann de moun nan*,

Men, repons l ap bay la* sot nan Jewova+.

 2 Tout sa moun ap fè parèt bon* nan je yo+,

Men, se Jewova ki egzamine sa k fè yo aji konsa*+.

 3 Lage tout sa w ap fè nan men Jewova*+,

E plan w yo ap mache.

 4 Jewova fè tout bagay mache pou l reyalize objektif li,

Li menm rezève mechan yo pou jou malè+.

 5 Moun ki gen ògèy nan kè yo bay Jewova degoutans+.

Nou mèt sèten* moun sa yo ap jwenn pinisyon.

 6 Lanmou* ak fidelite yon moun fè l jwenn padon pou peche l+,

E lakrentif pou Jewova fè yon moun vire do bay sa ki mal+.

 7 Lè Jewova pran plezi nan fason yon moun aji,

Li fè menm ènmi moun sa a viv anpè ak moun nan+.

 8 Pito yon moun pa gen anpil bagay, men li fè sa ki dwat+,

Tan pou l vin gen anpil byen nan move kondisyon+.

 9 Yon moun ka reflechi nan kè l sou sa l pral fè,

Men, se Jewova k ap montre l kote pou l met pye l+.

10 Se desizyon ki soti nan Bondye ki ta dwe sot nan bouch yon wa+,

Li pa dwe janm fè move jijman+.

11 Se pou Jewova bon balans yo ye,

Se li ki fè gen bon pèz nan yon sak+.

12 Wa yo gen degoutans pou sa ki mal+,

Paske se grasa sa ki jis twòn yo byen tabli+.

13 Pawòl ki dwat fè wa yo plezi,

Yo renmen moun ki pale sa ki verite+.

14 Kòlè wa a tankou yon mesaje k ap anonse lanmò+,

Men, moun ki gen sajès la konn ki jan pou l kalme* kòlè sa a+.

15 Si wa a fè yon moun favè, lavi moun sa a ap bèl.

Lè wa a fè yon moun favè, sa tankou yon mas nyaj ki pot lapli nan sezon prentan+.

16 Li pi bon lontan pou yon moun chèche gen sajès olye l gen lò+,

Pou yon moun chwazi gen bon konprann olye l chwazi ajan+.

17 Moun ki dwat la evite chemen ki mennen nan sa ki mal.

Moun ki veye sou sa l ap fè ap pwoteje lavi* li+.

18 Ògèy lakòz moun tonbe,

E awogans lakòz moun bite+.

19 Li pi bon pou yon moun mete l tou piti* pami moun ki gen imilite yo+

Olye pou l resevwa yon pati nan sa moun ki gen ògèy yo sot pran.

20 Moun ki montre li gen bon konprann nan ap reyisi* nan sa l ap fè,

E yon moun ki fè Jewova konfyans ap gen kè kontan.

21 Y ap di moun ki gen sajès* la li gen bon konprann+,

E moun ki gen bouch dous la* kapab konvenk moun+.

22 Bon konprann se yon sous ki bay moun ki genyen l yo lavi,

Men, se bagay moun sòt yo fè ki tou sèvi yo disiplin.

23 Kè moun ki gen sajès la fè l veye sa k ap sot nan bouch li+

E li fè l pale yon fason pou l konvenk moun.

24 Bon pawòl tankou siwo myèl,

Yo dous pou nanm nan* e yo se yon remèd pou zo+.

25 Gen yon wout ki parèt dwat devan yon moun,

Men, alafen, se nan lanmò li mennen+.

26 Travayè a travay di pou tèt li*,

Paske grangou* pouse l travay+.

27 Yon voryen ap chèche fason pou l fè sa ki mal+.

Pawòl li tankou yon dife ki byen limen+.

28 Moun k ap simen latwoublay* lakòz divizyon+,

E moun k ap pale moun mal met bon zanmi dozado+.

29 Moun ki renmen vyolans pran tèt lòt moun

E yo mennen yo nan move chemen.

30 Yo touye je yo lè y ap manniganse sa ki mal.

Yo manje po bouch yo lè y ap fè move plan.

31 Cheve blan se yon bèl kouwòn*+

Sou tèt moun k ap mache nan chemen ki dwat+ la.

32 Moun ki pa fè kòlè fasil+ pi bon pase gason vanyan.

Moun ki kontwole tèt yo* pi bon pase yon moun ki pran yon vil+.

33 Moun mèt fè tiraj osò+,

Men, se Jewova k ap pran tout desizyon yo+.