Eklezyas

2 Apre sa, mwen te di nan kè m: “Bon, kite m chèche pran plezi m* pou m wè ki bon bagay m ap jwenn nan sa.” Men, gade! Sa a tou se bagay k ap pase.

3 Mwen te lage kò m nan bwè diven+, mwen t ap reflechi anpil, toutpandan mwen te kite sajès mwen gide m. Mwen te menm aji tankou moun sòt pou m te ka wè ki sa k pi bon pou yon moun fè pandan tikras tan li gen pou l viv sou tè a. 4 Mwen te fè anpil gwo bagay+. Mwen te bati plizyè kay ki pou mwen+ e mwen te plante plizyè jaden rezen ki pou mwen+. 5 Mwen te fè anpil jaden ak anpil bèl kote ki plen ak pyebwa e mwen te plante tout kalite pyebwa ki bay fwi kote sa yo. 6 Mwen te fè plizyè rezèvwa dlo pou m wouze pakèt pyebwa* mwen genyen k ap grandi yo. 7 Mwen te vin gen sèvitè ak sèvant+, e gen ladan yo ki te fèt lakay mwen. Mete sou sa, mwen te vin gen anpil bèt, bèf, mouton ak kabrit+, pi plis pase tout moun ki te la anvan m nan Jerizalèm. 8 Mwen te vin gen anpil ajan ak anpil lò+, yon seri trezò* wa k ap gouvène anpil tèritwa genyen+. Mwen te vin gen anpil gason ak fi k ap chante pou mwen, e mwen te gen sa ki fè kè gason kontan anpil la: yon fi, wi anpil fi*. 9 Se konsa, mwen te vin yon moun ki enpòtan anpil e mwen te vin pi enpòtan pase tout moun ki te Jerizalèm anvan m+. Men, mwen te toujou gen sajès.

10 Mwen pa t refize bay tèt mwen tout sa m te anvi*+. Mwen pa t refize fè tèt mwen okenn plezi*, paske kè m te kontan pou tout travay di mwen te fè. E se rekonpans* sa a mwen te genyen pou tout travay di mwen te fè+. 11 Men, lè m t ap reflechi sou tout travay mwen te fè ak pwòp men m e sou tout travay mwen te redi fè+, mwen te wè tout sa ap pase, se kòmsi se dèyè van mwen t ap kouri+. Pa t gen anyen ki te enpòtan toutbonvre* anba solèy la+.

12 Apre sa, mwen te reflechi sou sa sajès ye, sou bagay moun ki pa gen bonsans yo ak bagay moun sòt yo+. (Bon, ki sa moun k ap vin apre wa a pral kapab fè? Sèlman sa k te deja fèt yo.) 13 Epi, mwen te wè moun ki gen sajès la gen plis avantaj pase moun ki sòt la+, menm jan limyè pi bon pase fènwa.

14 Moun ki gen sajès la, se nan tèt li je l ye*+. Men, moun ki sòt la ap mache nan fènwa+. Epitou, mwen te vin wè yo tout ap fini menm jan+. 15 Se konsa, mwen te di nan kè m: “Sa k rive moun sòt la ap rive m tou+.” Bon, ki sa m ap jwenn si m vin gen twòp sajès? Se sa k fè mwen te di nan kè m: “Menm sa a tou ap pase.” 16 Paske yo pap sonje moun ki gen sajès yo ak moun ki sòt yo nètale+. Rive yon lè, y ap bliye tout moun. Epi, ki jan moun ki gen sajès la ap mouri? Menm jan ak moun ki sòt la+.

17 Se sa k fè, mwen te vin rayi lavi+. Paske, dapre mwen, tout sa k t ap pase anba solèy la te bay pwoblèm, tout bagay ap pase+, se kòmsi se dèyè van moun ap kouri+. 18 Mwen te vin rayi tout sa m te travay di anpil pou m fè anba solèy la+, paske m oblije kite yo dèyè pou moun k ap vin apre m nan+. 19 Epitou, sa k konnen si l ap gen sajès oubyen si l ap sòt+? Epoutan, li pral gen pouvwa sou tout sa m te fè gwo efò pou m genyen grasa sajès mwen anba solèy la. Sa a tou se vanite*. 20 Se sa k fè mwen te kòmanse pèdi espwa pou tout travay mwen te redi fè sou tè a*. 21 Paske, yon moun gendwa sèvi ak sajès li, konesans li ak entèlijans li pou l travay di, men, li oblije kite sa l genyen* pou yon moun ki pa t travay pou sa+. Sa a tou se vanite e se yon gwo malè*.

22 Ki sa yon moun ap jwenn vre pou tout travay di li fè ak tout anbisyon ki te pouse l* travay di anba solèy la+? 23 Paske, pandan tout tan li gen pou l viv la, se soufrans ak tètchaje travay li fè yo pote pou li+. Menm lannuit, kè l pa poze+. Sa a tou ap pase.

24 Pa gen anyen ki pi bon pase sa, pou yon moun manje, pou l bwè e pou l jwenn kè kontan* nan travay di li fè+. Mwen vin wè sa a tou se yon bagay ki soti nan men vrè Dye a+. 25 Epitou, ki moun ki manje pi byen e ki bwè pi byen pase m+?

26 Bondye bay moun ki fè kè l kontan yo sajès, konesans ak kè kontan+. Men, li bay moun ki lage kò yo nan peche travay pou yo ranmase byen, epi pou yo annik anpile yo pou yo bay moun ki fè kè vrè Dye a kontan+. Sa a tou ap pase, se kòmsi se dèyè van moun ap kouri.