Sòm

138 M ap fè louwanj pou ou ak tout kè m+.

M ap chante louwanj pou ou

Nan figi lòt dye yo*.

 2 M ap bese byen ba nan direksyon tanp ou an ki sen*+

E m ap fè louwanj pou non w+

Akoz lanmou w* ak fidelite w.

Paske, ou fè pawòl ou ak non w gen plis glwa pase tout lòt bagay*.

 3 Lè m te rele w la, ou te reponn mwen+.

Ou te fè m* gen kran e w te ban m fòs+.

 4 Tout wa ki sou tè a gen pou yo fè louwanj pou ou, o Jewova+,

Paske, y ap tande pale de pwomès ou fè yo.

 5 Y ap gen pou yo chante konsènan chemen Jewova yo,

Paske, Jewova gen yon glwa ki estrawòdinè+.

 6 Byenke Jewova abite anwo nan syèl la, li konnen moun ki gen imilite yo+,

Men li rete byen lwen moun ki ògeye yo+.

 7 Menm lè m ap mache nan mitan danje, w ap prezève lavi m+.

W ap lonje men w pou w frape ènmi m yo ki an kòlè anpil.

W ap sove m ak men dwat ou.

 8 Jewova ap fè tout bagay pou mwen.

O Jewova, lanmou fidèl ou genyen an ap la pou toutan+.

Pa vire do bay pèp ou a ou fè ak men w+.