Sòm

58 Èske nou ka pale konsènan sa ki jis lè nou rete an silans+?

Èske nou menm lèzòm nou ka jije nan ladwati+?

 2 Olye de sa, nan kè nou nou planifye pou n fè sa ki mal+,

E men nou tranpe nan vyolans k ap fèt nan peyi a+!

 3 Mechan yo kite bon chemen an* depi lè yo fèt*.

Yo pa bon e depi lè yo fèt y ap bay manti.

 4 Pawòl yo tankou venen sèpan+,

Yo soud tankou kobra ki fè kòmsi yo pa tande.

 5 Kobra sa yo pap koute vwa moun ki konn chame sèpan yo,

Kèlkeswa jan moun sa yo ta fò nan fè maji.

 6 O Bondye, se pou w kase dan nan bouch yo,

Se pou w kraze machwè lyon* sa yo, o Jewova!

 7 Se pou yo disparèt tankou dlo ki seche.

Se pou Bondye lage yo atè ak kout flèch.

 8 Se pou yo vin tankou kalmason k ap fonn pandan y ap deplase,

Se pou yo vin tankou timoun ki fèt tou mouri, ki pap janm wè solèy la.

 9 Anvan chodyè nou yo santi chalè k ap soti nan pikan k ap boule yo,

Bondye ap bwote ni ti branch ki vèt toujou yo, ni sa k ap boule yo tankou se te yon van tanpèt+.

10 Moun ki jis la ap rejwi lè l wè Bondye tire revanj sou mechan yo+,

Pye l ap benyen ak san mechan yo+.

11 Lè sa a, gen moun k ap di: “Vrèmanvre, gen yon rekonpans pou moun ki jis la+,

Se toutbon gen yon Bondye k ap jije tè a+.”