Jòb

37 “Lè konsa, kè m sote,

E mwen santi se rache l ap rache.

 2 Byen koute vwa Bondye k ap gwonde

Ansanm ak kout loray k ap sot nan bouch li.

 3 Li fè l gaye anba tout syèl la

E li voye zèklè li+ jis nan dènye bout tè a.

 4 Apre sa, gen yon gwo bri ki fèt.

Bondye gwonde ak yon gwo vwa ki tankou loray+,

Li pa bloke zèklè a lè yo tande vwa l.

 5 Bondye fè yon gwo bri loray ak vwa l+.

Li fè gwo bagay pèsonn pa ka konprann+.

 6 Paske li di nèj yo: ‘Tonbe atè+,’

E li di gwo lapli yo: ‘Tonbe fò+.’

 7 Bondye fè lèzòm sispann tout aktivite*,

Konsa, tout moun ap konnen travay li.

 8 Bèt bwa yo antre nan twou yo,

Epi yo ret nan kachèt yo.

 9 Van tanpèt yo sot kote yo ye a pou yo soufle+,

E van ki soti nan nò yo vin ak gwo fredi+.

10 Se souf Bondye ki fè gen glas+

E ki fè gwo mas dlo yo tounen glas+.

11 Wi, li fè nyaj yo vin lou ak gout dlo.

Li voye zèklè l+ nan nyaj yo.

12 Yo fè toubiyon kote l voye yo a.

Yo fè nenpòt sa l ba yo lòd fè+ sou tout kò tè a*.

13 Li aji konsa, swa pou l bay pinisyon*+, swa pou byen tè a,

Swa pou l montre lanmou ki fidèl+.

14 Jòb, koute sa.

Fè yon ti poze pou w byen reflechi sou bèl travay Bondye fè yo+.

15 Èske w konn ki jan Bondye dirije* nyaj yo

Ak fason li fè zèklè sot nan nyaj li?

16 Èske w konn ki jan nyaj yo fè ret pandye nan syèl la+?

Bagay sa yo se bèl travay Sila a ki gen konesans san fay la fè+.

17 Sa k fè rad ou vin cho

Lè van ki sot nan sid la fè tè a trankil+?

18 Èske w ka ede Bondye blayi* syèl la tankou yon dra+

Pou l solid tankou yon glas ki fèt ak metal?

19 Di nou sa pou n di l.

Nou pa ka reponn piske nou nan fènwa.

20 Èske yo dwe di Bondye mwen gen yon bagay pou m di?

Oubyen èske gen yon moun ki te di yon bagay yon moun ta dwe al fè Bondye konnen+?

21 Yo pa menm ka wè limyè a*,

Byenke li klere nan syèl la,

Toutotan yon van pa pase pou l fè nyaj yo ale.

22 Limyè koulè lò sot nan direksyon nò.

Glwa Bondye+ fè moun gen lakrentif.

23 Nou pa ka rive konprann Toupisan an+.

Li gen anpil pisans+,

Li toujou aji avèk jistis+ e li toujou fè sa ki dwat+.

24 Se sa k fè moun dwe gen lakrentif pou li+.

Paske li pa nan paspouki ak okenn moun ki panse yo gen sajès*+.”