Anons

◼ Piblikasyon n ap ofri an novanm : La Connaissance qui mène à la vie éternelle. Desanm : La Connaissance qui mène à la vie éternelle ak Les Saintes Écritures — Traduction du monde nouveau. Janvye : Nenpòt liv 192 paj ki te parèt anvan 1985 e ki nan estòk kongregasyon an. Kongregasyon ki pa gen liv sa a nan estòk yo ka ofri La paix et la sécurité véritables: comment est-ce possible ? oubyen Vous pouvez vivre éternellement sur une terre qui deviendra un paradis. Fevriye : Le secret du bonheur familial.

◼ Kongregasyon yo ta dwe kòmanse kòmande Annuaire des Témoins de Jéhovah 1999 nan kòmann piblikasyon y ap fè an novanm. Ànyè a ap disponib nan lang sa yo : angle, espayòl, franse. Jiskaske ànyè a disponib e jiskaske yo voye l, n ap wè “ Commande à l’avance ” make sou fakti yo voye ba nou. Ànyè yo se atik sou kòmann espesyal.

◼ Depi kèk ane, posibilite pou vwayaje aletranje vin pi fasil. Sa pèmèt anpil nan frè nou yo pran dispozisyon pou y al vizite lòt peyi. Souvan yo kontakte filyal Sosyete a pou yo mande enfòmasyon. Filyal yo byen kontan ba yo adrès Sal Wayòm ak orè reyinyon kongregasyon kote yo prale a. Yo ka ba yo tou enfòmasyon konsènan vizit yo ka fè nan filyal la. Toutfwa, dapre kèk rapò, moun ki vle vwayaje konn mande lòt enfòmasyon sou vwayaj la, lojman yo, detant pou touris, ak lòt kesyon menm jan an. Filyal yo pa ekipe e yo pa gen tan nonplis pou yo bay kalite enfòmasyon sa yo. Nou ankouraje vizitè yo pou yo konsilte lòt sous, tankou ajans vwayaj oubyen biwo pou touris, ki la pou bay enfòmasyon sa yo.

◼ Nouvo piblikasyon disponib :

Étude perspicace des Écritures, Volumes 1 et 2 —franse