Anons

◼ Piblikasyon n ap ofri an mas : Ki sa Labib anseye toutbonvre ? Fè efò pou nou kòmanse etid biblik. Avril ak me : Toudegad ak Réveillez-vous ! Lè nou retounen al vizite moun ki enterese, san wete moun ki te vini nan Memoryal la oswa nan lòt pwogram teyokratik, men ki poko patisipe regilyèman nan aktivite kongregasyon an, chèche ofri yo liv Sa Labib anseye a nan objektif pou nou kòmanse etid biblik ak yo. Jen : L’humanité à la recherche de Dieu. Si kongregasyon an pa genyen l nan stòk li, nou ka ofri liv Adore sèl vrè Dye a.

◼ Kongregasyon yo ta dwe distribye Toudegad ak Réveillez-vous ! ki fèk parèt yo bay pwoklamatè yo san pèdi tan. Konsa, y ap gentan li peryodik yo anvan y al ofri yo nan predikasyon.

◼ Yon moun siveyan prezidan an chwazi ta dwe verifye kont kongregasyon an pou mwa desanm, janvye ak fevriye. Yo pa ta dwe toujou itilize menm moun nan pou fè verifikasyon an chak fwa. Lè yo fin fè verifikasyon an, y ap fè yon anons bay kongregasyon an apre yo fin li rapò sou sèvis kont lan. — Gade nan fòmilè Enstriksyon pou kontablite kongregasyon an (S-27).

◼ Men tèm kongrè distri pou ane 2008 la : “ Se lespri Bondye k ap gide nou. ” Ministè Wayòm avril la pral bay plis enfòmasyon sou kongrè a, dekwa pou nou ka fè tout dènye planifikasyon pou nou ka asiste tout sesyon yo pandan twa jou kongrè a. Si w ap oblije mande patwon w yon jou konje pou w ka asiste tout sesyon yo, pa ezite fè sa.