Anons

◼ Piblikasyon n ap ofri nan mwa septanm ak oktòb: Toudegad ak Réveillez-vous! Novanm ak desanm: Liv Ki sa Labib anseye toutbonvre? a oubyen tout nouvo feyè nou genyen an kreyòl yo.

◼ Y ap bay diskou espesyal pou epòk Memoryal 2016 la nan semèn 28 mas 2016. Y ap voye tèm diskou sa a ban nou pi devan. Kongregasyon ki gen vizit siveyan sikonskripsyon oubyen ki gen asanble nan wikenn sa a ap fè diskou espesyal la nan semèn apre a. Okenn kongregasyon pa dwe fè diskou espesyal la anvan 28 mas.

◼ Jan chif ki vin apre yo montre sa, gen anpil travay k ap fèt nan peyi ki gen kongregasyon kreyòl ayisyen. Panama: gen yon gwoup ki gen 14 pwoklamatè batize. Ekwatè: gen yon gwoup ki te kòmanse 11 me 2010 ki gen 30 pwoklamatè k ap kondui 60 etid biblik. Te gen 179 moun nan Memoryal 2015 lan. Brezil: kounye a, gen 10 kongregasyon ak 35 gwoup. Frè ak sè yo kondui 740 etid biblik. Te gen 858 moun ki te asiste Memoryal la ane sa a. Ladominik: gen 35 pwoklamatè ki nan yon kongregasyon ak yon gwoup. Pwoklamatè sa yo zele nan fè etid biblik. An desanm 2014, yo te kondui plis pase 110 etid biblik.