Jis nan ki pwen w gen lafwa nan pwomès Jewova yo?

Jozye ak Salomon fè nou wè byen klè pa gen yon pawòl nan bèl pwomès Jewova te fè yo ki pa t reyalize (Joz 23:14; 1Wa 8:56). Temwayaj de moun sa yo, nou fè konfyans, pèmèt nou gen yon baz solid pou lafwa nou. — 2Ko 13:1; Tt 1:2.

Ki jan Jewova te reyalize pwomès li te fè nan epòk Jozye a? Gade videyo ‘Pa gen yon pawòl li ki pa reyalize’ a ansanm ak fanmi w. Apre sa, egzamine kesyon ki vin annapre yo: 1) Ki jan n ka montre nou gen lafwa menm jan ak Rahab (Eb 11:31; Jk 2:24-26)? 2) Lè moun chwazi pa obeyi Jewova, sa fini mal pou yo, ki jan egzanp Akan an montre nou sa? 3) Malgre mesye Gabawon yo te konn fè lagè, poukisa yo te twonpe Jozye e yo te fè lapè ak Izrayèl? 4) Ki jan Jewova te kenbe pawòl li lè senk wa Amorit yo te menase Izrayèl (Joz 10:5-14)? 5) Ki jan Jewova ede w toutpandan w ap mete Wayòm li an an premye nan lavi w epi w ap fè sa ki jis nan je l an premye? — Mt 6:33.

Lè nou reflechi sou tout sa Jewova deja fè, sa l ap fè ak sa l pral fè, nou vin gen plis lafwa nan pwomès li yo. — Wm 8:31, 32.