Ki kote w ka jwenn konsèy moun ka fè konfyans jodi a?

Nan monn n ap viv la ki toujou ap chanje, ki jan nou ka sèten desizyon n ap pran yo ap bay bon rezilta? Ki jan nou ka sèten sa moun yo konsidere ki byen jodi a, yo pap konsidere yo mal demen?

Bib la ka ede w pran desizyon ou pap janm regrèt. Ki jan sa fè posib? Se paske se Kreyatè nou an ki ban nou Bib la, e li konnen ki sa k ka ban nou bonjan kè kontan ak sekirite.

Nou ka fè bonjan sajès ki gen nan Bib la konfyans. Moun “ap toujou ka fè [l] konfyans, ni jodi a, ni pou toutan”. — Sòm 111:8.

Sa w panse si w pran yon ti tan pou w egzamine fason Bib la kapab ede w nan monn sa a ki toujou ap chanje?