Kantik 10 (27)
Pa krenn yo !
1. Nou menm pèp mwen, nou mèt vanse
Nan pwoklame Wayòm nan.
Pa tranble devan ènmi,
Bay laverite ak kran.
Fè konnen Jezi gentan Wa,
Nan syèl tout ènmi chase.
Talè li pral mare Dyab la,
Viktim yo ap libere.
(Refren)
2. Kit ènmi yo la pa pakèt,
Kit y ap plede fè menas,
Kit pawòl yo dous anpil,
Se nayif y ap pran nan nas.
Pa pè yo, gèrye fidèl mwen,
Goumen pou kè n pa febli !
M ap prezève moun ki fidèl,
K ap sèvi m san konpwomi.
(Refren)
3. Pa panse m ap janm bliye nou,
Fòs ak boukliye se mwen.
Menmsi lanmò ta met pye,
Mwen gen kle l sa se sèten.
Pa pè ènmi, gèrye kretyen,
Menm lè nou jwenn gwo presyon,
M ap veye sou moun ki fidèl,
Ak mwen y ap jwenn pwoteksyon.
(REFREN)
Pa pè sa yo k ap touye kò,
Men ki pa ka detwi nanm.
Rete fidèl jiska lafen,
M ap ede nou kenbe djanm.