Kantik 91 (207)
Pou kiyès nou ye ?
1. Pou kiyès ou ye vre ?
Ki Dye w ap obeyi ?
Paske devan moun w ajenou,
Se li w sèvi, li se mèt ou.
Ou pa ka gen de mèt,
Pou w byen sèvi toude.
Ou pap ka renmen de dye, se sèten,
San kè w pa pataje.
2. Pou kiyès ou ye vre ?
Ki Dye w ap obeyi ?
Paske youn fo e lòt la vrè,
Kidonk, fè chwa w, konn sa w ap fè.
Èske w ap pou Seza ?
Èske w ap suiv monn nan ?
Oswa èske w vle obeyi Bondye
E sèvi l fidèlman ?
3. Pou kiyès mwen ye vre ?
Bondye m ap obeyi.
Mwen kontan sèvi Jewova.
M ap respekte ve m ak lafwa.
Mwen sispann sèvi lòm,
Paske Ya achte m chè.
Gason l lan mouri, pou l ban mwen lavi.
Mwen pap tounen dèyè.
4. Se pou Bondye nou ye !
Non, pa gen dout nan sa.
Li te di t ap gen inite
Nan twoupo l la, nou viv sa vre.
Se yon gwo privilèj
Ki bay anpil lajwa.
Sa fè nou rejwi, lè nou reyini
Pou nou bay Bondye glwa.