Kantik 97 (217)

Annou vin zanmi Jewova

(Sòm 15:1, 2)

1. Kiyès, o Jewova, k ap zanmi w, Dye lanmou ?

Kiyès w ap bay pèmisyon rete toutan nan tant ou ?

Sil’a, o Dye Trèwo, k ap sèvi w san defo,

Wi, sil’a ki gen kè ki pwòp, ki pa aji an fo.

Kiyès, o Jewova, w ap chwazi pou zanmi ?

Kiyès, toutbon, nan montay sakre w la, k ap gen lavi ?

Sil’a ki byen veye pou l pa blese pwochen l nan fason l pale.

(Refren)

2. Kiyès, o Jewova, k ap ret avè w toutan ?

Kiyès w ap ka tolere e k ap vin zanmi w vrèman ?

Wi, sil’a ki onèt, menm lè li sibi pèt.

Sil’a ki, nan chemen lanmou, mache san l pa regrèt.

Nou vrèman vle, o Dye, kiltive amitye w.

Ede nou konprann volonte w, o Ya, nou sipliye w.

Aksyon n dwe fè w plezi, nou pap trayi w pou n ka kenbe w kòm zanmi.

(Refren)

3. Avèk ou, Jewova, nou vle toujou rete.

Lapè w depase tout bagay, li anlè tout panse.

Pa mwayen Jezi Kris, ou ban n lavi gratis.

Adorasyon w ki pwòp fè anpil moun aprann jistis.

E se pou sa, o Dye, n ap kenbe avèk swen

Bèl amitye w ofri nou, konsa n ap gen yon vi sen.

Ala yon bèl tablo : yon sèl twoupo ki sou montay ou ki wo !

(REFREN)

Jewova, nou swete zanmi ou nètale.