Nouvèl Wayom No. 35

Èske Tout Moun Ap Janm Gen Lanmou Youn Pou Lòt?

Lanmou pou pwochen vin rafredi anpil anpil

PLIZYÈ milyon moun santi yo pèdi wout epi yo santi ka yo grav, paske yo pa konn kote pou yo voye kò yo. Men sa yon dam retrete ki te nan aktivite komès te fè remake : ‘ Yon vèv ki abite nan menm etaj chanmòt avè m te vin frape nan pòt lakay mwen yon aswè. Li te di m li santi l lage pou kont li. Ak politès m te di l kareman m okipe. Li te mande m eskiz dèske li te vin deranje m, lè fini l ale. ’

Malerezman, nan menm nwit lan, vèv la te touye tèt li. Ann apre, madanm ki te nan aktivite komès la te di li te aprann yon “ leson ki di. ”

Souvan mank lanmou pou pwochen konn tounen trajedi. Pandan te gen afwontman nan Bosni Èzegovin ki te fè pati ansyen Yougoslavi anvan sa, yo te fòse plis pase yon milyon moun kite kay yo epi yo te touye plizyè dizèn milye nan yo. Ki moun ki te fè zak sa yo ? “ Vwazen nou yo. ” Se sa yon jèn fi ki t ap plenyen sò l te di lè yo te mete l deyò nan bouk kote l abite a. Li di : “ Se moun nou te konnen. ”

Nan Wannda yo te masakre plizyè santèn milye moun, e souvan se pwòp vwazen yo ki te masakre yo. Jounal The New York Times te rapòte: “ Outou ak Toutsi te konn [viv] ansanm, youn marye ak lòt epi moun pa t menm fè atansyon ak sa, oubyen moun pa t menm konnen kilès ki te yon Outou epi kilès ki te yon Toutsi. Apre sa vin gen yon bagay ki dekoud ” epi “ masak yo te kòmanse. ”

Menm jan ann Izrayèl, Jwif ak Arab ap viv youn bò kote lòt, men pou anpil nan yo youn rayi lòt, Se menm sitiyasyon an pou yon bann Katolik ak Pwotestan nan peyi Ilann ak pou yon bann lòt moun k ap vin pi plis nan yon seri lòt peyi. Anvan sa nan listwa pa t janm manke lanmou kon sa nan lemonn.

Pou ki sa lanmou pou pwochen vin rafredi?

Se Kreyatè nou an ki bay repons kesyon an. Pawòl li, Labib rele tan n ap viv la “ dènye jou yo. ” Se yon tan pwofesi Bib la di, ladan l moun “ pa ta gen afeksyon tounatirèl. ” Konsènan “ tan makawon difisil pou moun fè fas sa yo ”, Labib rele tou “ konklizyon sistèm nan ”, Jezi te predi “ lanmou pi fò moun pral rafredi. ”—2 Timote 3:1-5; Matye 24:3, 12.

Kidonk, mank lanmou jodi a fè pati prèv ki domontre n ap viv nan dènye jou monn sa a. Erezman sa vle di tou gen yon mounn nouvo jis ki pral ranplase monn san respè pou Bondye sa a talè konsa. E nan monn sa a se lanmou ki pral kòmande.—Matye 24:3-14; 2 Pyè 2:5; 3:7, 13.

Men èske nou gen rezon pou n kwè yon chanjman kon sa posib : pou tout moun rive aprann gen lanmou youn pou lòt epi pou yo viv ansanm nan lapè youn ak lòt ?

Lanmou pou pwochen, se yon reyalite

“ Ki moun ki vrèman pwochen m ”? O premye syèk se sa yon òm ki konn lalwa te mande Jezi. Pa gen dout, msye t ap tann pou Jezi di l se ‘ konpayèl Jwif ou yo. ’ Men nan yon istwa konsènan yon Samariten ki aji an bon jan vwazen, Jezi te demontre moun ki nan lòt nasyon yo se pwochen nou yo ye tou.—Lik 10:29-37; Jan 4:7-9.

Jezi te ensiste sou sa pou l montre apre lanmou pou Bondye se lanmou pou pwochen ki ta dwe dirije lavi nou. (Matye 22:34-40). Men èske te janm gen yon gwoup moun ki te rive renmen pwochen yo vre ? Premye kretyen yo te fè l! Yo te distenge akòz lanmou yo te gen youn pou lòt.—Jan 13:34, 35.

E jodi a ? Èske tout moun pratike menm lanmou Kris la ? Men sa Encyclopedia Canadiana deklare : “ Travay Temwen Jewova yo ap fè a se Krisyanis premye syèk la Jezi ak disip li yo t ap pratike a yo fè reviv epi yo retabli ankò (...). Yo tout se frè. ”

Sa sa vle di ? Sa vle di Temwen Jewova pap pèmèt anyen tankou kesyon ras, ni kesyon nasyonalite, ni santiman pou gwoupman daprè zòn moun soti, vin lakòz yo rayi pwochen yo. Ni nonplis tou yo pap touye pèsonn moun, paske figire w, yo fòje epe yo pou fè yo tounen pyès chari epi [yo fòje] gen gwo frenn long yo pou fè yo tounen gwo sizo. (Izayi 2:4). Antouka Temwen yo gen repitasyon moun ki konn pran devan pou ede pwochen yo.—Galat 6:10.

Se pa etonan si editoryal yon jounal Kalifòni Sacramento Union, fè remak sa a : “ Annou di sèlman si tout moun nan lemonn te viv selon kwayans Temwen Jewova yo pa t ap gen asasinen ni rayisman, epi lanmou t ap sèl kòk chante. ” Men sa yon ekriven fè remake nan yon jounal yo rele Ring nan peyi Lawongri : “ Men ki konklizyon m tire : si se sèl Temwen Jewova ki t ap viv sou tè a, lagè t ap sispann epi sèl devwa lapolis se t ap kontwole sikilasyon ak regle kesyon paspò. ”

Fòk nou admèt l ap nesesè pou yon gwo gwo chanjman mondyal fèt si pou tout moun rive renmen youn lòt. Kouman chanjman sa a pral fè vini la a ? (Gade dènye paj la silvouplè).

Lè tout moun va gen lanmou youn pou lòt

YON PRIYÈ Jezikri te anseye montre gen yon kokenn chanjman ki san lè rive. Nan kokennchenn diskou li te bay sou montay la, Jezi te montre nou priye: “ Se pou Wayòm ou a vini. Se pou volonte w fèt sou tè a tou, tankou li fèt nan syèl la. ”—Matye 6:10.

Ki sa Wayòm Bondye a ye ? Se yon gouvènman toutbon vre k ap dirije detan nan syèl. Se sa k fè yo rele l “ Wayòm selès ”. Se Jezi, “ Prens lapè a ”, Papa l nonmen chèf pou dirije Wayòm nan.—Matye 10:7; Izayi 9:6, 7; Sòm 72:1-8.

Lè Wayòm Bondye a vini, sa k pral rive monn chaje rayisman sa a ? “ Wayòm nan ” pral “ kraze epi mete yon fen ” nan tout gouvènman kòwonpi monn sa a (Danyèl 2:44). Men sa Bib la esplike : “ Se pase monn nan ap pase (...), men moun ki fè volonte Bondye ap ret viv pou toutan. ”—1 Jan 2:17.

Konsènan monn nouvo Bondye a, men sa Bib la di : “ Se moun ki jis yo ki pral eritye tè a, epi se yo k pral rete viv sou li pou toutan. ” ​(Sòm 37:9-11, 29; Pwovèb 2:21, 22) Ala yon bèl epòk sa pral ye ! “ Lanmò pap la ankò, pap gen dèy, pap gen rèl ni pap gen doulè ankò. ” ​(Revelasyon 21:4). Menm mò yo pral retounen viv ankò, epi tout tè a nèt pral transfòme pou l tounen reyèlman yon paradi.—Izayi 11:6-9; 35:1, 2; Lik 23:43; Ak 24:15.

Pou n viv nan monn nouvo Bondye a, Fòk nou gen lanmou youn pou lòt jan Bondye anseye pou n fè l la (1 Tesalonisyen 4:9). Yon etidyan Labib ann Oryan te di : “ Tankou Bib la pwomèt, m ap tann tan kote tout moun gen pou aprann renmen youn lòt la. ” E nou mèt asire Bondye ap kenbe pwomès li ! Li di : “ Mwen di l, epi m ap fè l tou. ”—Izayi 46:11.

Men pou w jwi benediksyon yo Wayòm nan ap pote a, fòk ou chache gen konesans Bib la, tankou plizyè milyon moun kè sensè ap fè nan lemonn antye (Jan 17:3). Bwochi 32 paj Kisa Bondye Vle Nou Fè ? apral ede w. W ap jwenn youn si w ranpli koupon yo ba wou nan paj anvan an, epi voye l nan adrès ki pi pre zòn lakay ou a.

□ M ta renmen jwenn bwochi Kisa Bondye Vle Nou Fè ?

□ Kontakte m pou yon etid biblik gratis lakay silvouplè.

[Liy kredi pou foto nan paj 2]

Yon tirè pwofesyonèl ak yon antèman nan peyi Bosni: Reuters/Corbis-Bettmann