Kantik 141
Ann chèche moun ki renmen lapè
(Lik 10:6)
Jezi bay lòd pou’n bay bon nouvèl la.
Kit li fè cho, kit gen pousyè,
Li vle pou moun konn Pawòl la.
Li gen lanmou pou tout mouton Bondye.
L’ap chèche yo,
depi li jou, jis solèy kouche.
N’al kay an kay, n’al nan lari,
N’ap fè tout moun, gason kou fi,
Konnen tout malè pral fini toutbonvre.
(REFREN)
Nan tout nasyon,
Ann chèche moun ki renmen lapè.
N’al tout kote,
Nou vle jwenn moun ki gen kè sensè.
Preche tout moun,
Se sa nou vle.
Tan’ vin pi kout, fò’n kontinye chèche.
Ann travay di, ann fè efò,
Menm yon sèl moun n’a delivre.
Lanmou pouse nou al wè yo ankò,
Moun k’ap soufri dwe tande,
pou yo jwenn rekonfò.
Ann chèche moun, sa trè ijan.
Lè youn tande, sa fè’n kontan,
E lajwa sa’ fè nou anvi kontinye.
(REFREN)
Nan tout nasyon,
Ann chèche moun ki renmen lapè.
N’al tout kote,
Nou vle jwenn moun ki gen kè sensè.
Preche tout moun,
Se sa nou vle.
(Gade tou Iza. 52:7; Mat. 28:19, 20; Lik 8:1; Wom. 10:10.)