Kantik 152
Ou se fòs nou, ou se espwa nou e nou kwè nan ou
O Jewova, ou vrèman renmen’n,
ou ban’n yon esperans.
Li trè bèl, nou vle pataje’l
ak anpil dilijans.
Men, pafwa enkyetid lavi a
konn fè dout vle anvayi’n.
Espwa sa’ ki te byen klere
konn vin sonm nan lavi’n.
(REFREN)
Ou se fòs nou, espwa’n,
e nou kwè nan ou.
Ou fè’n jwenn tout sa nou manke.
Lè n’ap preche moun yo,
nou met kran sou nou,
paske se sou ou nou konte.
O Jewova, ede nou tanpri.
Nou vle sonje sa’w fè:
Ou toujou la pou fòtifye’n
nan pwoblèm, nan malè.
E èd ou ban nou pou’n rejwenn fòs
fè espwa nou vin briye,
Paske ou fè’n vin gen kouraj
pou’n fè konn non’w, Bondye.
(REFREN)
Ou se fòs nou, espwa’n,
e nou kwè nan ou.
Ou fè’n jwenn tout sa nou manke.
Lè n’ap preche moun yo,
nou met kran sou nou,
paske se sou ou nou konte.
(Gade tou Sòm 72:13, 14; Pwo. 3:5, 6, 26; Jer. 17:7.)