Ann mache ak Jewova chak jou

1. Chak jou, n’ap mache men nan men

Ak Jewova, bon Papa nou an.

Se yon favè ki san parèy,

Se yon onè, sa fè nou kontan!

Bondye pwouve li renmen nou,

Sa fè’n vle mache avè’l.

Se pou sa nou ba’l lavi nou,

Pou’n sèvi’l e pou’n rejwi kè’l.

2. Nou konnen Satan an kòlè,

Vye sistèm li an pa lwen fini.

Sa fè nou jwenn opozisyon

Ki ka fè’n pè, fè nou ralanti.

Men, Jewova pwoteje nou,

Se kote’l nou vle rete.

N’ap toujou sèvi’l fidèlman,

E n’ap renmen li nètale.

3. Jewova toujou ede nou.

Li ban’n lespri’l, Li ban’n Pawòl li.

Li ban nou kongregasyon an,

Lè nou priye’l sa fè li plezi.

Ann mache avèk Jewova,

L’ap ede’n fè sa ki byen,

L’ap ede nou rete fidèl,

L’ap gide nou nan bon chemen.