Jan pou nou prezante peryodik yo
La Tour de Garde 1ye septanm
“ Lè nou gen desizyon enpòtan pou nou pran, ki kote w panse nou ka ale pou nou jwenn bon konsèy. [Kite moun nan reponn. Li Pwovèb 3:5, 6.] Atik sa a mete aksan sou sajès ki genyen lè yon moun egzamine konsekans yon desizyon ka genyen anvan l pran desizyon sa a. ” Atire atansyon moun nan sou atik ki nan paj 8 la.
Réveillez-vous! Septanm
“ Èske w panse Bondye te gen nan objektif li pou lèzòm soufri anba grangou k ap ravaje tè a jodi a ? [Kite moun nan reponn.] Gade ki dispozisyon Bondye pran pou l rezoud pwoblèm sa a. [Li Sòm 72:16.] Atik sa a esplike ki jan Bondye pral fè tè a tounen yon paradi. ” Montre moun nan atik ki nan paj 7 la.
La Tour de Garde 1ye oktòb
“ Nan tan n ap viv la a, yon epòk ki vrèman pa stab, gen anpil moun ki enkyè konsènan lavni. Ki sa ki ka ede nou pou nou toujou gen yon pwennvi pozitif sou lavni ? [Kite moun nan reponn.] Gade ki pwomès Bondye fè nou. [Li Izayi 65:17.] Peryodik sa a ban nou bonjan rezon pou nou wè lavni avèk optimis. ”
Réveillez-vous! Oktòb
“ Entènèt se yon zouti ki itil, men li reprezante yon veritab danje pou timoun. Ki sa w panse nou ka fè pou nou pwoteje timoun yo ? [Kite moun nan reponn.] Gade yon panse enteresan nou jwenn nan Bib la. [Li Pwovèb 18:1.] Prensip nou li nan vèsè sa a se youn nan sis prensip biblik atik sa a atire atansyon paran yo sou li pou ede yo nan efò y ap fè pou yo pwoteje pitit yo. ” Montre moun nan atik ki nan paj 8 la.