Kèk modèl prezantasyon

Pou nou kòmanse etid biblik premye samdi nan mwa septanm nan

“Gen anpil moun ki kwè nan zanj. Èske w kwè nan yo tou? [Kite moun nan reponn.] Antanke kreyati espirityèl, zanj yo pisan anpil. Donk, èske w panse yo ka ede nou? Labib fè nou konnen ki fason yo ede moun jodi a.” Montre moun nan do Toudegad 1^ye septanm nan, epi egzamine repons yo bay pou premye kesyon an avè l epi pale omwen sou youn nan vèsè yo bay kòm referans yo. Ofri moun nan peryodik yo, epi pran randevou pou w retounen reponn kesyon ki vin apre a.

Toudegad 1^ye septanm

“Èske w panse lèzòm tèlman ap sal tè a, sa fè pa gen okenn espwa pou tè a? [Kite moun nan reponn.] Se vre lèzòm pa gen kapasite pou l repare dega yo fè sou tè a, men Labib fè nou konnen Bondye kapab repare dega sa yo, e li vle fè sa. Men garanti Sòm 65:9 ban nou. [Li vèsè a.] Peryodik sa a pale sou fason Bondye pral pran swen tè a, ak sa pou nou fè pou nou benefisye bèl bagay sa yo li pral fè pi devan. Èske m ka kite Toudegad sa a pou w li?”

Réveillez-vous! Septanm

“Gen anpil moun ki santi patwon yo ap fè presyon sou yo pou yo travay san pran souf, e yo pa wè ki jan pou yo soti anba presyon sa a. Selon sa moun ki konnen yo di, lè yon moun travay san pran souf, sa ka fè l santi l about. Konsa, sa ka fè moun nan vin gen pwoblèm sante ak pwoblèm afektif. Ki sa w panse ki ka ede yon moun mennen yon lavi ki ekilibre? Kite moun nan reponn.] Annou wè sa Bib la di sou sa. [Li Eklezyas 4:6.] Peryodik sa a bay kat bagay nou ka fè pou nou pi byen jere bagay enpòtan nou gen pou nou fè yo epi fè fas ak presyon nou jwenn nan travay nou.”